eQonaq júıesiniń týrızm salasy boıynsha qyrkúıek aıyndaǵy negizgi kórsetkishteri

eQonaq júıesiniń derekterine sáıkes, 2024 jyldyń qyrkúıek aıynda Qazaqstannyń týrızm salasynda aıtarlyqtaı ósim baıqaldy.

 

Búginge deıin atalǵan júıede 460 652 zańdy ornalastyrý oryndary tirkelgen. Bul kórsetkish sheteldikterdiń otandyq týrızmge degen qyzyǵýshylyǵynyń artyp kele jatqanyn kórsetedi. Júıe iske qosylǵan sátten bastap 3,3 mıllıonnan astam, al bıylǵy qyrkúıekte 140 myńnan astam týrıs tirkelgen, dep habarlaıdy aqshamnews.kz.

Sondaı-aq eQonaq júıesiniń málimetteri boıynsha, Qazaqstannyń ákimshilik ortalyqtary men batys óńirleri týrıser úshin eń tanymal baǵyttar sanalady. Elder boıynsha alyp qarasaq, Qazaqstanǵa qyrkúıek aıynda eń kóp týrıs Ózbekstannan (40 452) kelgen. Keıingi oryndarǵa Reseı (34 650 týrıs) jáne Qytaı (15 868 týrıs) jaıǵasqan.

Qazaqstanǵa kelgen týrıserdiń 39,1%-y saıahattaý úshin, 28%-y jeke sharýalarmen, 10,3%-y iskerlik kezdesýler úshin, 4,6%-y jumys máseleleri boıynsha, al 18%-y ózge sebeptermen elimizge saparlaǵan.

Týrıserdiń jas erekshelikterine toqtalar bolsaq, elge keletinderdiń basym bóligi 39 jasqa deıingi azamattar. Qyrkúıek aıynda ornalastyrý oryndarynda bolǵan sheteldik azamattardyń 69%-y – erler, 31%-y áıelder.

eQonaq júıesi týrısik aǵyndy esepke alýdy jalǵastyryp, Qazaqstanda týrızmdi odan ári damytý úshin mańyzdy saraptamalyq derekterdi usynady.15614:05