Vaksınasıa tumaý qaýpin azaıtady. Bul týraly Almaty qalasynyń sanıtarlyq-epıdemıologıalyq baqylaý departamenti basshysynyń orynbasary Ásel Qalyqova Óńirlik komýnıkasıalar qyzmetiniń brıfıńinde habarlady, dep habarlaıdy aqshamnews.kz
Onyń aıtýynsha, Almatyda 2024 jyldyń qarasha aıynan bastap tumaýdyń 168 jaǵdaı, olardyń kóbi vaksınasıa almaǵan azamattar arasynda tirkelgen. Vaksınasıa aldyn alýdyń eń tıimdi sharasy bolyp qala beredi.
Naýqastardyń kópshiligi (72%) A/H1N1 tıpti tumaý vırýsyn, qalǵandary V tıpti vırýsty juqtyrǵan.
Statısıka kórsetkendeı, jaǵdaılardyń eń kóp paıyzy ártúrli saladaǵy jumysshylar (27,9%), júkti áıelder (23,8%) jáne balalar (23,2%) arasynda tirkelgen. Sondaı-aq, qaýip tobynda stýdentter, zeınetkerler jáne jumys istemeıtin azamattar boldy.
Maman ınfeksıanyń negizgi sebebi vaksınasıadan bas tartý bolyp qala beretinin atap ótti. Kúzgi maýsymda Almatynyń 232 830 turǵyny tumaýǵa qarsy ekpe aldy, bul halyqtyń 10,16% quraıdy.
Dárigerler qala turǵyndaryna kelesi aýrý tolqynyna deıin vaksınasıadan ótýge jáne qarapaıym profılaktıkalyq sharalardy saqtaýǵa keńes beredi: aýrý juqtyrǵan adamnan aýlaq bolý, bólmelerdi únemi jeldetý jáne aýrýdyń alǵashqy belgileri paıda bolǵan kezde dárigerge júginý.