Vırýstyń jańa túri ýshyǵyp turǵan kezeńde ár azamat ózi úshin, otbasy úshin jaýapkershilik alýy kerek.
Kovıdtyq jaǵdaıy asqynyp turǵan qalanyń basshysy Baqytjan Saǵyntaev osylaı deıdi, dep habarlaıdy Almaty-akshamy.kz tilshisi.
Qalanyń qazirgi ahýaly jaıly málimet bergen ákim bylaı dedi: «Kúndelikti málimetterdi aqparat quraldarynan bilip otyrsyzdar. Birqalypty deńgeıde turmyz. Biraq osylaı kete berse, jaǵdaı budan ári nasharlaýy múmkin. Ol kezde densaýlyq saqtaý salasyna da ońaı tımeıdi. Sondyqtan sanepıdemıolog-dárigerlerdiń talabyna barshamyz baǵynýǵa tıispiz. Ol eń qarapaıym – betperde taǵý, qashyqtyq saqtaý, kópshilik jıynǵa barmaý degen talap. Eki mıllıon turǵyny bar qalanyń 115 myń adamy aýyryp jatyr degen statısıka jaqsy kórsetkish emes.»
Megapolıs basshysynyń aıtýynsha, qaladaǵy ýshyqqan jaǵdaıǵa qaramastan, karantın talaptaryna baǵynǵysy kelmeıtinder de barshylyq.
«Jaǵdaıdyń barlyǵyn túsindirip aıtyp, shara qoldansaq ta, qyzmet kórsetý salasyndaǵy kásipkerler shekteýge baǵynbaı otyr. Biz olardy qansha jerden tekserip, aıyppul salyp, lısenzıasyn alyp, sotqa berip jatsaq ta, olar jumysty toqtatpaı otyr. Bul degen eshqandaı jaýapkershiliktiń joqtyǵy. Ekpe saldyrýdy toqtatpaýymyz kerek. Alyp-qashpa áńgimeden góri árkim óziniń densaýlyǵyn oılaýy qajet», - dedi Baqytjan Ábdiruly.