Elena Rybakına Australian Open týrnırinde reseılik Anna Blınkovadan jeńilip, jaryspen qosh aıtysty.
Jarty saǵattan astam ýaqytqa sozylǵan sheshýshi taı-breık 22:20 esebimen (42 upaı) reseılik tenısshiniń paıdasyna sheshildi.
Bul — jekeleı synda «Úlken dýlyǵa» týrnırlerinde eń uzaqqa sozylǵan taı-breık. Budan burynǵy rekord 38 upaı bolatyn. 2007 jyly Australian Open týrnırinde fransıalyq Jo-Vılfrıd Songa ulybrıtanıalyq Endı Rodıkti birinshi settegi taı-breıkte 20:18 esebimen utqan edi.
Sondaı-aq ýkraınalyq Lesá Sýrenko ótken jyly Ýımbldonda rýmynıalyq Ana Bogdandy úshinshi partıada dál osyndaı eseppen jeńip, atalmysh kórsetkishti qaıtalaǵan bolatyn.
Aýstralıa ashyq chempıonatynyń ekinshi aınalymynan asa almaǵan E.Rybakına WTA Live reıtıńisinde qazirgi sátte 3-ten 5-orynǵa túsip qaldy.