Shyǵys Qazaqstan oblysynda Memlekettik keńesshi Erlan Qarınnyń qatysýymen birqatar kezdesýler ótti, dep habarlaıdy aqshamnews.kz
Aldymen, Erlan Qarın oblys ákimi Ermek Kósherbaev jáne memlekettik organdar basshylarymen ishki saıasat máseleleri boıynsha jınalys ótkizdi. Onda azamattyq qoǵamdy damytý, jastardy qoldaý jáne el birligin nyǵaıtý máseleleri talqylandy. Sonymen qatar, Prezıdent bastamalarynyń júzege asyrylý barysy men ıdeologıalyq jumystyń mańyzdy baǵyttary sóz boldy.
Ulttyq quryltaı músheleri jergilikti sarapshylarmen kezdesip, óńirdegi qoǵamdyq-saıası ahýalǵa qatysty máselelerdi kóterdi. Olar birlesken is-qımyldyń formatyn talqylap, zertteý jumystaryna qatysty pikir almasty.
Sonymen qatar, Memlekettik keńesshi óńirdegi Qoǵamdyq keńes ókilderimen kezdesý ótkizip, Prezıdent Joldaýyndaǵy ekonomıkalyq reformalarǵa nazar aýdardy. Erlan Qarın elimizdiń ekonomıkalyq ósimine yqpal etetin mańyzdy sharalar qatarynda energıa qýatynyń jańa kózderin damytý, atap aıtqanda, atom elektr stansıasyn salýdyń mańyzdylyǵyna erekshe toqtaldy.
Kezdesýlerdiń maqsaty — jergilikti qoǵammen dıalogty nyǵaıtý jáne óńirlerdegi áleýmettik máselelerdi sheshý úshin usynystar ázirleý boldy.