Ózbekstanda energetıkalyq jáne gazdalǵan sýsyndarǵa aksızdik salyq engiziledi.
Atalǵan sýsyndardyń árbir lıtrine 2000 sým kóleminde aksız esepteledi, dep habarlaıdy Almaty-akshamy.kz
Quramynda qanty bar gazdalǵan sýsyndar úshin aksız salyǵy lıtrine 500 sým. Eldiń densaýlyq saqtaý mınıstrligi qant dıabeti kóbeıýi múmkin dep alańdaıdy. Jalpy 18 jasqa tolmaǵandarǵa energetıkalyq sýsyndardy satý jáne olardy jarnamalaýǵa shekteý qoıatyn zań alty jyl buryn qabyldanǵan. Aksızden túsken qarjy medısına salasyn damytý qoryna aýdarylady.
«Sońǵy 30 jylda sozylmaly jáne juqpaly aýrýlar sany kúrt ósti. Qant dıabetiniń taralýy 2,1% dan 11% ǵa deıin artqan. Eń soraqysy, durys tamaqtanbaý saldarynan bolatyn ólim- jitim kórsetkishi 100 myń turǵynǵa shaqqanda 400 adamdy qurap otyr», - deıdi Ózbekstan Respýblıkasy densaýlyq saqtaý jáne strategıalyq damý ınstıtýtynyń dırektory Nodıra Alıhanova.