Almaty qalasynda 2024 jyldyń 1-3 aqpan aralyǵynda “Digital Almaty-2024”: "H ındýstrıasy - Bolashaqtyń sıfrlyq evolúsıasy" atty sıfrlyq forýmy ótpek.
Sıfrlyq ındýstrıanyń jańa dáýirin qalyptastyrýǵa baǵyttalǵan altynshy forým oı-tájirıbe almasý úshin SHYU jáne EAEO elderiniń memleket qaıratkerlerin, jetekshi sarapshylary men kásipkerlerin biriktiredi. Sondaı-aq forým aıasynda “Industry 4.0 Startup Battle” atty úzdik ónerkásiptik startapty anyqtaıtyn aýqymdy saıys; IT-ekojúıe salasyndaǵy jobalar týraly tájirıbe, aqparattardy bólisetin, otandyq iri jer qoınaýyn paıdalanýshylardyń, tehnoparkterdiń, tehnologıalyq kompanıalardyń kórmesi josparlanǵan, dep habarlaıdy Almaty-akshamy.kz
Bıyl “Digital Almaty” VI forýmy ónerkásiptegi sıfrlyq transformasıa, GovTech, 4.0 ındýstrıasy, ESG, Smart City jáne basqa da salalardaǵy ınovasıalyq sheshimderdi usynatyn aýqymdy iskerlik baǵdarlamany usynbaq. Paneldik pikirtalastar sheńberinde halyqaralyq sarapshylar, sala kóshbasshylary, IT jáne bıznes salasyndaǵy jetekshi ınnovatorlar qatarynan 200-den asa spıker qatysady. Ekonomıka men ınovasıa sektorlarynda jańa tehnologıalardy qoldaný jaıynda tabysty keısterin sizdermen bólisedi. Úsh kúndik sıfrlyq is-sharaǵa 30 myńnan astam adam qatyspaq.
“Digital Almaty” halyqaralyq forýmy jyl saıyn álemniń 15 elinen jetekshi sarapshylardy jınaıdy. Bıyl biz sıfrlyq ındýstrıa taqyrybyn talqylaımyz. Elimizde jalpy ishki ónim óndirisindegi negizgi úlesti ónerkásip quraıdy. Jańa jylda ekonomıkalyq saladaǵy bıznes-prosesterdi jaqsartýǵa kómektesetin jańa sıfrlyq sheshimder qajet. Forým alańy osy saladaǵy negizgi trendterdi, jobalardy jáne tehnologıalardy tanystyrý jáne talqylaý úshin zor múmkindik beredi», - dedi Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın.
Álemdik sarapshylar moıyndaǵan Digital Almaty sharasy byltyr sıfrlyq taý-ken, memleket basqarýyn, krıptobırja, kıberqaýipsizdik, bilim berý jáne korporatıvti ınovasıalardy talqylaýda 150-den astam spıkerdi jınady. Sonymen qatar, forým mektep oqýshylaryna arnalǵan “Digital Ministry Cup” atty robototehnıka jáne ınjenerlik jobalar boıynsha alǵashqy halyqaralyq chempıonatyn ótkizdi. Qazaqstan, Reseı jáne Ázirbaıjannan tórt nomınasıa boıynsha jeńimpazdar anyqtaldy. Byltyr forým alańynda alǵash ret “Tech Garden Awards” marapattaý rásimi ótip, 2022 jyldyń qorytyndysy boıynsha, óndiris jumystaryna ınovasıalyq jobalardy engizgeni úshin ónerkásip oryndary men ındýstrıalyq kásiporyndar marapattaldy.
Forýmnyń plenarlyq otyrysyna EAEO elderiniń úkimet basshylary qatysty. Spıkerler sıfrlyq ınfraqurylymnyń turaqty damýy men telekomýnıkasıadaǵy jańa tehnologıalardy talqylady. “Digital Almaty” EAEO elderiniń sıfrlyq kún tártibin talqylaıtyn platforma men úzdiksiz úrdiske aınaldy. Bıyl ol "H ındýstrıasy" – Bolashaqtyń sıfrlyq evolúsıasyna nazar aýdarta jańa baǵytty qamtyp jatyr.
Eske sala keteıik, Digital Almaty uıymdastyrýshylary: Qazaqstan Respýblıkasynyń Sıfrlyq damý, ınovasıalar jáne aeroǵarysh ónerkásibi mınıstrligi, Qazaqstan Respýblıkasynyń Syrtqy ister mınıstrligi, Almaty qalasynyń ákimdigi jáne "Inovasıalyq tehnologıalar parki" derbes klasterlik qory (Tech Garden).
Tolyq aqparat alý jáne tirkelý úshin DigitalAlmaty.kz resmı saıtyn baqylap, jańalyqtardy qaraı otyryńyz.