Onyń Mańǵystaý oblysyndaǵy suıytylǵan munaı gazynyń baǵasyn negizsiz kóterýge qatysy bary aıtylady, dep habarlaıdy Almaty-akshamy.kz.
Mańǵystaý oblysy boıynsha Qarjylyq monıtorıń agenttigi aýmaqtyq departamentiniń jedel-tergeý toby Qazaqstan Respýblıkasynyń Energetıka vıse-mınıstri Jumabaı Qaraǵaevty, elektrondyq saýda alańdarynyń basshylaryn jáne Mańǵystaý oblysyndaǵy suıytylǵan munaı gazynyń baǵasyn negizsiz kóterýge qatysy bar tulǵalardy ustady, delinedi QR QMA habarlamasynda.
Jumabaı Qaraǵaevqa qatysty sot qaýlysymen tergeý organy saılaǵan jáne oblys prokýratýrasy qoldaǵan eki aı merzimge «kúzetpen ustaý» túrindegi bultartpaý sharasy sanksıalandy.
Tergeý jalǵasýda. Ózge aqparat tergeý múddesine saı jarıa etýge jatpaıdy.
Aıta ketsek, búgin Úkimettiń baspasóz qyzmeti Energetıka vıse-mınıstri Jumabaı Qaraǵaevtyń qyzmetinen bosatylǵanyn habarlaǵan bolatyn.