Kásibı jolyn energetıka salasynan bastaǵan ol búginde Qazaqstannyń jańa býyn agroónerkásiptik kásipkerleriniń jarqyn ókilderiniń biri atandy.
2005 jyly Nıazaly Kentaý kópsalaly kolejin «elektroenergetıka» mamandyǵy boıynsha aıaqtap, keıin Ǵumarbek Dáýkeev atyndaǵy Almaty energetıka jáne baılanys ýnıversıtetinde bilimin jalǵastyrdy. Birneshe jyl iri kompanıalarda eńbek etti, dep habarlaıdy aqshamnews.kz Aýyl sharýashylyǵy mınıstrligine silteme jasap.
2019 jyly jas maman agrarlyq salaǵa tolyqtaı bet buryp, BNK GROUP LTD kompanıasyn qurdy. Bul kompanıa búginde Qazaqstannyń agroónerkásiptik keshenindegi jetekshi holdıńterdiń biri sanalady.
BNK GROUP aýyl sharýashylyǵy ónimderin, mıneraldy tyńaıtqyshtardy, arnaıy jabdyqtardy jetkizýmen aınalysady jáne agrarlyq óndiriste ınovasıalyq tehnologıalardy belsendi túrde engizýde.
2023 jyly kompanıa jańbyrlatyp sýǵarý mashınalaryn shyǵaratyn zaýytyn iske qosty — bul sýarý ınfraqurylymyn damytý men ónimdilikti arttyrý jolyndaǵy mańyzdy qadam boldy.
Holdıńtiń eń iri jobalarynyń biri – 1200 bas iri qaraǵa arnalǵan sút-taýar fermasyn salý boldy. Bul joba sút óndirisiniń kólemin aıtarlyqtaı arttyryp qana qoımaı, óńirde jańa jumys oryndaryn ashýǵa septigin tıgizdi.
2024 jyldyń qorytyndysy boıynsha BNK GROUP holdıńi zor jetistikterge qol jetkizdi: jalpy ınvestısıa kólemi 24 mıllıon AQSH dollaryn, al jobalarǵa salynǵan jıyntyq qarjy 26,6 mıllıard teńgeni qurady.
Nıazaly Beısenbaev – turaqty damý, tehnologıalyq jańashyldyq pen eldiń azyq-túlik qaýipsizdigin arttyrýǵa basymdyq beretin, progresıvti ári áleýmettik jaýapkershiligi joǵary kásipkerdiń jarqyn úlgisi. Onyń oqıǵasy jas fermerlerge shabyt beredi jáne agrarlyq sala – tek dástúrdiń jalǵasy ǵana emes, sonymen qatar jańǵyrtý men ekonomıkalyq ósýdiń qýatty qozǵaýshy kúshi ekenin dáleldeıdi.