Zaýyttar shtattyq rejımde jumys istep tur
QR Energetıka mınıstrligi elektrondyq saýda alańdary arqyly suıytylǵan munaı gazyn saýdalaý 2019 jyly qolǵa alynǵanyn eske saldy. Bul proses úsh jyl ishinde kezeń-kezeńimen júzege asyryldy, dep habarlaıdy Almaty-akshamy.kz.
Energetıka mınıstrligi baspasóz qyzmetiniń málimetinshe, 2022 jyldyń 1 qańtarynan bastap taýar bırjalary arqyly TMD saýda-sattyq alańyna tolyǵymen óttik.
«Elektrondyq saýda-sattyq arqyly gaz satý naryqtyń barlyq qatysýshylary úshin teń jáne alalamaıtyn jaǵdaılar týdyryp, TMD-nyń qajetti kólemderin tikeleı óndirýshilerden satyp alýǵa múmkindik beredi»,-delingen habarlamada.
Vedomstvonyń málimetinshe, 2022 jyldyń qańtar aıynda taýar tasymaldaýshylar Mańǵystaý oblysy úshin óndirýshilerden 17 406 tonna suıytylǵan munaı gazyn satyp alǵan.
20-24 jeltoqsan aralyǵynda elektrondy saýda alańynda bes saýda sesıasy ótkizildi, onyń barysynda suranys pen usynys negizinde suıytylǵan munaı gazynyń baǵasy qalyptasty.
Mańǵystaý oblysynda qańtar aıynda suıytylǵan gazdy jetkizýde bir tonnasy úshin ortasha kóterme baǵasy 133 126 teńgeni nemese bir lıtri 78 teńgeni qurady. Bul rette Aqtaý, Jańaózen qalalarynda, sondaı-aq Mańǵystaý aýdanynda bólshek saýda baǵa, máselen suıytylǵan gazdyń bir lıtri 100-120 teńgeni qurady.
Mınıstrlik qańtar aıyndaǵy saýda-sattyq sesıalary shtattyq rejımde ótkenin atap ótti. Naryq mehanızmi óńirlerdiń kólemge qajettiligin rettedi. Endi búginde suıytylǵan gazdyń qajetti bul kólemderi óńirler boıynsha jóneltilip jatyr.
2 qańtarda Jańaózen turǵyndarynyń suıytylǵan gaz baǵasyna qatysty narazylyq bildirgeni belgili boldy.
Mańǵystaý oblysynyń energetıka jáne TKSH basqarmasynyń basshysy Berdibek Qartbaev búgingi tańda óńirde qajetti gaz kólemi bar ekenin atap ótti. Zaýyttar shtattyq rejımde jumys istep tur, al taýardy jetkizý keste boıynsha júzege asyrylady.