Bıyl 3 qus fabrıkasy iske qosylady
Almaty oblysynda qus sharýashylyǵymen 10 kásiporyn aınalysady, dep habarlaıdy Almaty-akshamy.kz.
Kásiporyndar jylyna 100 myń tonnadan astam qus eti men 1 mlrd dana jumyrtqa óndiredi. Bul degenimizi respýblıkadaǵy barlyq qus etiniń – 36%-yn, jumyrtqanyń -20%-yn quraıdy degen sóz.
Qus ónimderi oblystyń jáne Almaty qalasynyń ishki naryǵyn tolyq qamtýǵa jetkilikti, basqa óńirler men eksportqa 25 myń tonna qus eti shyǵarylady.
Qus sharýashylyǵyn odan ári damytýdy jyldyq qýattylyǵy 173 myń tonna et shyǵarýǵa arnalǵan 3 qus fabrıkasyn iske qosýmen baılanystyrýǵa bolady, oǵan 200 mlrd teńgeden astam ınvestısıa salyndy. Atap aıtqanda, Uıǵyr aýdanynda «Prıma Qus» JSHS 36 myń tonnaǵa, Kerbulaq aýdanynda – «Káýsar Agro» JSHS - 17 myń tonnaǵa jáne İle aýdanynda – «Aıtas» kompanıasymen 120 myń tonna ónim óndiretin ferma iske qosylady dep josparlanǵan.
Aıta keteıik, qaıta óńdeý salasynda sońǵy bes jylda 65 jańa nysan iske qosylyp, 28 óndiris jańǵyrtyldy, bul tamaq ónimderi óndirisiniń 1,7 ese ósýin qamtamasyz etti.
Oblystyń ishki naryǵynda otandyq azyq – túlik taýarlarynyń úlesi 85% - dy, ımporttyq ónimder -15% - dy quraıdy. Búginde aýyl sharýashylyǵy shıkizatyn óńdeý úlesi 60% – ǵa deıin, kásiporyndar qýattylyǵynyń júktelý deńgeıi – 72% - ǵa deıin artty.
Qazirgi ýaqytta agroónerkásiptik keshendi damytýdyń 2021-2025 jyldarǵa arnalǵan Ulttyq jobasy maquldandy, bul rette bolashaqta Almaty oblysynyń agrarlyq sektoryn damytýǵa tyń serpin beretin jalpy quny 355 mlrd teńgeni quraıtyn 85 ınvestısıalyq joba iske asyrý kózdelýde.