Almaty qalasy energetıka jáne sýmen jabdyqtaý basqarmasy Naýryzbaı aýdany E5 «Alma Sıtı» turǵyn úı kesheniniń 28 úıin jylytý júıesine qosý máselesi boıynsha túsinikteme berdi.
Qazirgi tańda «Alma Sıtı» E5 turǵyn úı kesheni paıdalanýǵa berilmegen jáne qala balansynda emes. Sonymen qatar turǵyn úı kesheni boıynsha komýnaldyq kásiporyndar qol qoıýǵa tıis nysannyń daıyndyǵy týraly deklarasıa joq.
Turǵyndardy paıdalanýǵa berilmegen úıge ornalastyrý úshin «Qazaq Stroy» JSHS qurylys salýshy kompanıasy jaýapty. «Qazaq Stroy» máseleni sheship, úılerdi ortalyq jylýmen tezirek jabdyqtaýǵa qosý úshin qajetti sharalardy qabyldap jatyr. Qurylys salýshy óz mindettemelerin oryndaý boıynsha kepilhat usyndy.
Sonymen qatar barlyq tehnıkalyq qujattamany alǵan soń «Almaty jylý jelileri» JSHS qyzmetkerleri turǵyn úılerdi turaqty jylýmen jabdyqtaýǵa qosý múmkindigin baǵalaý úshin qaıtadan tekseredi.