Bul týraly aıtqan QR Mádenıet jáne sport mınıstriniń orynbasary Ǵabıdolla Ábdirahmanov kelesi jyldan bastap arhıv qyzmetkerleriniń jalaqysy ósetinin de málim etti.
Qazaqstanda arhıvtik qujattardy sıfrlyq formatta saqtaıtyn jańa aqparattyq júıe engizilip jatyr, dep habarlaıdy Almaty-akshamy.kz
«Arhıvıst mamandyǵyna osy ýaqytqa deıin jiti kóńil bólinbeı keldi. Onyń ishinde memlekettik organdar tarapynan da az nazar aýdaryldy. Qazir biz e-arhıv jańa aqparattyq júıesin engizýdemiz. Onyń negizinde barlyq memlekettik organdardan derekter bazasy jáne elektrondyq arhıvpen jumys isteı alatyn joǵary bilikti IT-tehnologıalardy meńgergen mamandardyń jumys isteýi talap etiledi. Sebebi Memleket basshysy Joldaýda arhıv qyzmetkerleriniń jalaqysymen qosa biliktiligin de arttyrýdy mindettedi. Jalpy arhıv jumysyn zamanaýı túrde ilgeriletýdegi mańyzdy baǵyttyń biri ony sıfrlyq formatqa aýystyrý. Iaǵnı, barlyq qujattardy elektrondy formatta saqtaýymyz qajet», - dedi Ǵabıdolla Ábdirahmanov.
Sondaı-aq, vıse-mınıstr Memleket basshysy sheteldegi elimizge qatysty arhıv qujattaryn zertteýdi tapsyrǵanyn aıtty.
«Prezıdenttiń osy tapsyrmasyna sáıkes, arnaıy keshendi jospar qabyldandy. Jospar aıasynda bizdiń mamandar sheteldik muraǵattarǵa baryp, ondaǵy qundy qujattarmen tanysyp jatyr», - deıdi ol.