Májilis oıyn bıznesi, lotereıalar jáne lotereıa qyzmeti máseleleri boıynsha ózgerister men tolyqtyrýlar engizý týraly zań jobasy men oǵan ilespe túzetýlerdi jumysqa aldy, dep habarlaıdy Almaty-akshamy.kz.
Zań jobasy Memleket basshysynyń qumar oıyndarǵa shekteý qoıý tapsyrmasynyń sheńberinde Parlament depýtattarynyń bastamasymen ázirlendi, - dedi zańnyń negizgi maqsatyn túsindirgen depýtat Asqat Aımaǵambetov.
Zańdardyń negizgi novelalary mynadaı:
Birinshiden. Býkmekerlik keńseler men totalızatorlardyń jarnamasyn ǵımarattarda, bılbordtarda, BAQ-ta, kólikterde ornalastyrýǵa jáne taratýǵa tyıym salý týraly normany qarastyryp otyr. Sondaı-aq basqa jerdegi jarnamasyn shekteý usynylady.
Ekinshiden. Boryshkerlerdiń biryńǵaı tiziminde turǵan azamattarǵa qumar oıyndarǵa qatysýǵa tyıym salý usynylady.
Úshinshiden. Lısenzıasy joq sheteldik býkmekerlik keńselerdiń, totalızatorlardyń ınternet resýrstaryna tyıym salyp, olardy buǵattaý usynylady. Zańnamany buzǵan oıyn bıznesin uıymdastyrýshylar úshin ákimshilik jáne qylmystyq jaýapkershilik engizý sıaqty basqa da mańyzdy normalar bar.