Aitu, eGov, eGov Business, eOtinish qyzmetteri men aqparattyq júıeleri úshin nóldik tarıfteýdi paıdalaný azamattardyń mobıldi shotyndaǵy balans nól nemese teris bolǵan jaǵdaıda memlekettik resýrstarǵa kepildik beretin qoljetimdilikti qamtamasyz etedi. Mundaı qadam Halyqqa qyzmet kórsetý ortalyqtaryna túsetin júktemeni aıtarlyqtaı azaıtýǵa múmkindik beredi jáne digital by default formatyna kóshýdiń mańyzdy kezeńine aınalady.
Sıfrlyq shtab sheshimimen:
bıylǵy 15 qyrkúıekten bastap Aitu, eGov, eGov Business, eOtinish qyzmetteri men aqparattyq júıelerine qoljetimdilikti qamtamasyz etý úshin nóldik tarıfteýdi qoldanýdy iske qosý;
osy jyldyń 20 qyrkúıegine deıin Smart Bridge platformasynda komersıalyq IT-sheshimderdi qyzmettermen kedergisiz ıntegrasıalaý múmkindigin qamtamasyz etý;
Qaztech platformasynda İT sheshimderiniń shekti quny boıynsha qoıylatyn talaptardy qospaǵanda, iri jobalardy júzege asyrý úshin tıisti quqyqtyq aktilerge ózgerister engizý;
jyl sońyna deıin jasandy ıntellekt arqyly memlekettik qyzmetterdi sıfrlandyrý qamtamasyz etiledi.