Ol úshin keıingi bes jylda menshikti baspanasy bolmaýy kerek, jdep habarlaıdy aqshamnews.kz 24.kz-ke silteme jasap.
Turǵyn úı zańyna osyndaı ózgeris endi. Sondaı-aq halyqtyń qolyn qonys-jaıǵa jetkizý úshin birneshe ereje ózgerdi. Elde 650 myńnan astam adam úı kezeginde tur, dep habarlaıdy aqshamnews.kz 24.kz-ke silteme jasap.
Uzyn-sonar tizim kún sanap kóbeımese, azaıar túri joq. Páter jaldap, kezekte jyldap turatyn jurttyń jaıy endi ǵana jaqsarýy múmkin. Zańǵa ózgeris endi. Jańa qujat kúshine ense, halyqtyń qoly qonys-jaıǵa jetedi. Jospar da, meje de osy.
Jansultan Mataı, «Otbasy banki» tóraǵasynyń orynbasary: - Osy zańǵa sáıkes Otbasy banki ulttyq ınstıtýty mártebesi berilip jatyr jáne oǵan osy turǵyn úı kezeginde ortalyqtandyrylǵan bir júıede júrgizý quqyǵy berilip jatyr. Bul jańalyqtardyń barlyǵy otbasy bankte tolyǵymen 6 aıdan keıin jumys jasaıtyn bolady. Sebebi osy zańda 6 aı ótpeli kezeń qarastyrylǵan. Osy 6 aıdyń ishinde ákimdikter búgingi tańda ózderi júrgizip otyrǵan kezektiń barlyǵyn otbasy bankke beredi.
Kez kelgen qazaqstandyq úı kezegine tura alady Iá, kezekti buryńǵydaı jergilikti ákimdikter júrgizbeıdi. Endi bul jaýapkershilik Otbasy bankine júkteledi. Sondaı-aq kez kelgen qazaqstandyq úı kezegine tura alady. Tek keıingi bes jyldyqta baspanasy bolmaýy shart.
Naýryz Saılaýbaı, QR Parlamenti Májilisiniń depýtaty: - Buǵan deıin siz memlekettik qyzmetker retinde, kishi qyzmetker retinde nemese basqa maman retinde ǵana kezekke turalǵan bolsańyz, budan keıin memlekettik qyzmetker bolmasańyz da, bıznes ókili bolsańyz da, kishi bıznes ókili bolsańyz da kezekke tura alasyz degen sóz. Sebebi bizde keıbir baǵdarlamalar ıaǵnı, kezekke tursańyz tómen paıyzbeen, turmasańyz joǵary paıyzben beriledi. Ol da ádiletsiz dep oılaımyn.
Jaldamaly páterlerdi satyp alýǵa bolady Memleket esebindegi úıdi jaldap turatyn jurttyń da jaıy jaqsarady. Jańa zań aıasynda jaldamaly páterlerge satyp alý quqyǵy beriledi. Ol úshin qazirgi qojaıyndary qaldyq qunyn tóleýge mindetti.
Naýryz Saılaýbaı, QR Parlamenti Májilisiniń depýtaty: - Zańnyń eń utymdy tusy, bul jerde buǵan deıin qanshama jyl arendalyq úıde, memleketten alǵan azamattar satyp alý quqyǵynsyz dep aıtaıyn astyn syzyp, osy azaamttar bul zań aıasynda bolashaqta ózderine jekeshendire alady. Biraq bul jerde jastar joq. Buǵan deıin kóp balaly, UOS nemese basqa da baǵdarlamalarmen arendalyq úı alǵan azamatttar zańdastyrylady degen sóz, qaldyq qunyn tóleý arqyly.
Qazir arendalyq úılerde 50 myńnan astam qazaqstandyq turyp jatyr. Iaǵnı osynsha jan satyp alý quqyǵyna ıe bolady degen sóz.