«Taza Qazaqstan» Almatyda: qalada qoqys alańdary belsendi túrde jańartylyp, zamanýı konteınerler engizilýde
Almatyda «Taza Qazaqstan» tujyrymdamasy aıasynda qalanyń sanıtarlyq jaǵdaıyn jaqsartý boıynsha aýqymdy jumystar jalǵasýda, dep habarlaıdy aqshamnews.kz
Ákim Erbolat Dosaevtyń tapsyrmasy boıynsha kómilgen úlgidegi zamanaýı qoqys konteınerleri ornatylýda. Jyl basynan beri 128 alańda kómilgen tıptegi 650 konteıner ornatyldy, jyl sońyna deıin 14 ýchaskede taǵy 136 konteıner ornatylady. Bul konteınerlerdiń birqatar artyqshylyqtary bar: olar tolyǵymen jabyq, qańǵybas janýarlar men qustardyń kirýinen qorǵalǵan, jaǵymsyz ıisterdi ketiredi jáne aýla aýmaqtarynyń kórinisin jaqsartady.
2025-2026 jyldary qalada 2000-nan astam kómilgen konteıner ornatý josparlanýda. Olar úlken syıymdylyǵymen erekshelenedi, az oryn alady jáne otqa tózimdi polıpropılen matalarymen jabdyqtalǵan. Konteınerdiń túbindegi arnaıy plasıkalyq naýa suıyqtyqtyń aǵyp ketýine jol bermeıdi. Jańa konteınerler Áýezov jáne Bostandyq aýdandarynda paıda boldy. Jetisý aýdanynda keıbir ornatylǵan konteınerlerge kelesi jyldan bastap tıisti tehnıka satyp alynǵannan keıin qyzmet kórsetiledi. Túrksib aýdanynda birneshe alańda tozǵan qoqys jáshikteri jańasyna aýystyryldy. Osy baǵyttaǵy jumystar jalǵasýda.
Turǵyndar ornatylǵan konteınerlerdiń yńǵaılylyǵy men estetıkalyq kórinisin atap ótýde. «Bul sısternalar yńǵaıly ǵana emes, sonymen qatar zamanaýı, estetıkalyq kóriniske ıe, bul aýdannyń kelbetin aıtarlyqtaı jaqsartady. Bul abattandyrýǵa jasalǵan mańyzdy qadam, men barlyq turǵyndardy jaýapkershilikke shaqyramyn: ortaq eńbegimizdi qurmettep, qoqysty konteınerlerdiń janyna qaldyrmaıyq», - deıdi Almagúl shaǵyn aýdanynyń turǵyny Anastasıa kórshilerine.
«Buryn temir konteınerler jıi korozıaǵa ushyraıtyn, ásirese jazda, joǵary temperatýra ıisti kúsheıtetin. Endi jańa konteınerlerdi ornatý arqyly bul másele áıteýir sheshimin tabatyn boldy. Biz aýdanymyz barlyq turǵyndar úshin ómir súrýge qolaıly, áldeqaıda taza jáne jaıly bola túsedi degen senimdemiz», - dep atap ótti Bostandyq aýdanynyń turǵyny Vıktorıa Gorbýnova.
Jalpy, Almatyda qaldyqtardy bólek jınaýǵa yntalandyrý úshin birqatar bastamalar iske asyrylýda:
•qaladaǵy mekemelerde 1200-den astam ekoboks ornatylǵan;
•plasık jáne alúmınıden jasalǵan bótelkelerdi qabyldaıtyn 11 fandomat jumys istep tur;
•nan qaldyǵyn jınaý úshin 500 konteıner ornatylǵan;
•qaıtalama shıkizatty qabyldaýdyń 8 pýnkti jumys isteıdi.
Qalada qaldyqtarmen jumys isteý júıesin jaqsartý boıynsha jumys jalǵasýda, bul Almaty turǵyndary úshin ekologıalyq qaýipsizdik pen jaılylyq deńgeıin arttyrýǵa yqpal etedi.