Elimizde Prezıdenttiń «Taza Qazaqstan» bastamasy aıasynda ekologıalyq jáne agrarlyq týrızmdi damytý júzege asyrylýda
Qazaqstanda «Taza Qazaqstan» bastamasy aıasynda ekologıalyq, agrarlyq jáne buqaralyq sportty damytý júzege asyrylýda. Bul týraly Úkimet otyrysynda týrızm jáne sport mınıstri Erbol Myrzabosynov málimdedi.
Vedomstvo basshysy halyqaralyq tájirıbe men zańnamaǵa nazar aýdara otyryp, ekologıalyq týrızmniń ulttyq standarttary jańartylyp jatqanyn aıtty. Negizgi prınsıpterge tabıǵatqa áserdi azaıtý, rekreasıalyq júktemeni saqtaý jáne jergilikti qaýymdastyqtardy tartý kiredi. 14 ulttyq saıabaqta ınfraqurylymdy belsendi damytý júrgizilýde, bul 2023 jyly 2,4 mln týrısti tartýǵa múmkindik berdi, 2024 jyly 2,8 mln-ǵa deıin ósti.
Týrısik qyzmet sheńberinde 17 vızıt-ortalyq jáne 137 baǵyt jumys isteıdi. Jańa ekologıalyq baǵyttar ashý jáne ulttyq parkterdi damytý úshin ınvestorlardy tartý josparlanýda.
Agrarlyq jáne etnotýrızm salasynda fermerlerdi týrısik qyzmetke tartýǵa yqpal etetin zańnamalyq baza boıynsha jumys júrgizilýde. 900-den astam aýyl turǵyndary agrotýrızm boıynsha oqytyldy, sondaı-aq Community based Tourism baǵdarlamasy boıynsha 10 úılestirýshi oqydy. «Alataý amanaty» jobasy aıasynda Almaty qalasy men oblysyna 1200 shaqyrymnan astam týrısik soqpaqtardy tóseý josparlanyp otyr.
Elimizde ekologıalyq jáne agrarlyq týrızm damyp keledi
- Avtor aqshamnews.kz
- 10:47, 25 maýsym 2025
Sýret: Ortcom.kz