eGov Mobile mobıldi qosymshasynda "Kredıttik jáne saqtandyrý tarıhy boıynsha nusqaýlyq" atty jańa servıs iske qosyldy, dep habarlaıdy aqshamnews.kz
Bul týraly 2024 jylǵy 21 qarashada "Ulttyq aqparattyq tehnologıalar" AQ málimdedi.
Endi paıdalanýshylar ózderiniń nesıe alý jáne saqtandyrý tarıhyn qadaǵalap, jalpy kredıttik qabilettilik deńgeıin onlaın baǵalaı alady.
Bul qyzmet "Memlekettik nesıe búrosy" AQ málimetteri boıynsha aqparat beretin "Nesıe berý" jáne "Saqtandyrý" degen eki bólimnen turady. "Nesıe berý" bóliminde paıdalanýshyǵa keıingi bes jyldaǵy nesıe tarıhy týraly esep, belsendi nesıelik mindettemeler týraly aqparat jáne skorıngtik bal (paıdalanýshynyń nesıelik qabilettilik deńgeıiniń kórsetkishi) usynylady, – delingen habarlamada.
Eger alynǵan málimetter boıynsha suraqtar týyndasa, paıdalanýshy tikeleı kredıt berýshige nemese saqtandyrý kompanıasyna júginýi qajet. Jańa servıstiń barlyq fýnksıalary tegin beriledi, bul eGov Mobile paıdalanýshylary úshin "Kredıttik jáne saqtandyrý tarıhy boıynsha nusqaýlyq" qoljetimdi etedi.