Anyqtamalyqtyń negizgi baǵyty - salamatty ómir saltyn nasıhattaý, aýrýlardyń profılaktıkasy, qaýip faktorlaryn aldyn ala joıý jáne sozylmaly aýrýlardy baqylaý.
Qazaqstanda Dúnıejúzilik densaýlyq saqtaý uıymynyń Eýropalyq óńirlik búrosynyń kómegimen balalar men jasóspirimderge medısınalyq-sanıtarıalyq alǵashqy kómek kórsetý boıynsha qalta anyqtamalyǵy beıimdeledi jáne shyǵarylady, dep habarlaıdy Almaty-akshamy.kz Densaýlyq saqtaý mınıstrligine silteme jasap.
Basylym balalar men jasóspirimderdiń densaýlyǵyna, jetilýine jáne damýyna keshendi kózqarasty bekitýge járdemdesýge baǵyttalǵan
Anyqtamalyq sondaı-aq MSAK mamandaryna arnalǵan jáne emshek sútin emizý, qosymsha taǵamdardy engizý, jas balalardyń damýyn qoldaý jáne jasóspirimderdi medısınalyq aqparattandyrý boıynsha usynystardy qamtıdy.
Densaýlyq saqtaý mınıstrligi qalta anyqtamalyǵynyń eldik nusqasyn beıimdeý nátıjelerin shoǵyrlandyrý úshin pedıatrıa, neonatologıa, psıhıkalyq densaýlyq jáne balanyń erte damýy salasyndaǵy jetekshi mamandardy anyqtady.
Júrgizilgen jumystyń nátıjesinde qalta anyqtamalyǵynyń qazaqstandyq nusqasy jasalady. Mınıstrliktiń jumys toby oqytý men engizý monıtorıńin júrgize otyryp, Qazaqstanda MSAK-ty praktıkaǵa engizýdiń kezeń-kezeńmen josparyn ázirleıtin bolady.