"QazAvtoJol" UK" AQ respýblıkalyq mańyzy bar 25 myń shaqyrymǵa jýyq avtojoldardy basqarý jónindegi ulttyq operator.
Qaj.kz resmı saıty men Sapar mobıldi qosymshasy arqyly avtojoldardaǵy jaǵdaı týraly únemi habardar bolýǵa bolady, dep habarlaıdy aqshamnews.kz.
"Sonymen qatar, biz avtomobılısterge arnalǵan, suranysqa ıe mobıldi qosymshalarmen seriktestikti damytýǵa erekshe kóńil bólemiz. Búginde 2GIS geoservısimen jańa ıntegrasıa ornatqanymyz jaıly qýana habarlaımyz. Endi osy servıs arqyly marshrýttardy qurý kezinde respýblıkalyq mańyzy bar avtojoldardaǵy aǵymdaǵy jaǵdaı týraly aqparat eskeriledi", – delingen habarlamada.
Máselen, aýa-raıynyń qolaısyzdyǵyna baılanysty qaı baǵytta, qandaı eldi mekende kólik qozǵalysy ýaqytsha shektelgeni beınelenedi.
"Biz 2GIS–ke kúre joldaǵy qazirgi ahýal jaıly málimetti usyna otyryp, servısti paıdalanýshy júrgizýshilerge óz marshrýttaryn tıimdi josparlaýǵa, joldaǵy keleńsiz jaǵdaılardyń aldyn alýǵa jáne eń bastysy – dittegen jerge tez, ári yńǵaıly jetýge óz septigimizdi tıgizemiz. Eger avtomobıl jolynyń belgili bir ýchaskesinde qozǵalysqa shekteý qoıylsa, 2GIS júrgizýshige eń ońtaıly balama joldy usynady", – dep habarlady QazAvtoJol.