Bul týraly OKQ-da ótken brıfıńte Eńbek jáne halyqty áleýmettik qorǵaý mınıstrligi Kóshi-qon komıteti tóraǵasynyń orynbasary Erbolat Abýlhatın málimdedi, dep habarlaıdy aqshamnews.kz.
Álemde ınvestısıalar úshin básekelestiktiń kúsheıýi aıasynda eldegi bıznes-ımmıgrasıany odan ári damytý boıynsha jumystar júrgizilýde. Bizdiń elde etnıkalyq qazaqtardy «Ata joly» kartasyna tartý boıynsha sharalar qolǵa alyndy. Osy kartany alýǵa úmitkerlerdiń geografıasy keńeıip keledi. Búgingi tańda Reseı Federasıasy, Germanıa, Qytaı sıaqty taıaý shet eldermen qatar, «Ata joly» kartasyn alýǵa AQSH, Eýropalyq Odaq elderiniń azamattary – etnıkalyq qazaqtar da qyzyǵýshylyq tanytýda, - dedi Erbolat Abýlhatın.
Búgingi tańda «Ata joly» kartasyn 57 etnıkalyq qazaq aldy. Onyń ishinde suranysqa ıe mamandyqtary bar 31 adam jáne 26 adam kásipker. «Ata joly» kartasyn alǵan etnıkalyq qazaqtar kóbine Astana jáne Almaty qalalarynda turady.
Esterińizge sala ketsek, «Ata joly» kartasy óz elderinde suranysqa ıe kásipteri bar nemese tabysty bıznes-keısterdi iske asyrǵan jáne olardy Qazaqstanda keńinen qoldanýǵa nıet bildirgen etnıkalyq qazaqtarǵa beriledi.