Qapshaǵaı kópiriniń ýchaskelerine ortasha jóndeý júrgizýge baılanysty Boraldaı kóshesinen «Samal» dúkenine deıingi ýchaskede qozǵalysqa ýaqytsha shekteýler engiziledi.
1 ýchaske: 20 qyrkúıekte saǵat 23.00-den 22 qyrkúıekte saǵat 11.00-ge deıin qozǵalys oblys baǵyty boıynsha jabylady. Joldyń batys jaǵynda keri qozǵalys uıymdastyrylady.
2 ýchaske: 22 qyrkúıekte saǵat 23.00-den 24 qyrkúıekte saǵat 11.00-ge deıin qozǵalys qala baǵytynda jabylady. Joldyń shyǵys jaǵynda keri qozǵalys uıymdastyrylady.
Jóndeletin ýchaskede eki jaqty qozǵalys týraly eskertý belgileri ornatylady. Jolaqtar boıynsha bólý konýstyq shaǵylystyratyn chıptermen belgilenedi.
Esterińizge sala keteıik, qozǵalystardy shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS jáne «Iandeks kartalar» servısterinde ornalastyrylǵan.