QR Eńbek jáne halyqty áleýmettik qorǵaý mınıstrligi «Ruqsattar jáne habarlamalar týraly» zańǵa sáıkes «Arnaýly áleýmettik qyzmetter kórsetýge qoıylatyn biliktilik talaptaryn bekitý týraly» buıryqtyń jobasyn ázirledi.
Buıryqty qabyldaý kórsetiletin qyzmetterdiń sapasyn arttyrýǵa múmkindik beredi. Qujat «Ashyq NQA» portalynda ornalastyrylǵan, dep habarlaıdy Almaty-akshamy.kz.
Búgingi kúni arnaýly áleýmettik qyzmetter kórsetiletin qyzmetterdiń sharttaryn, kólemin jáne sapasyn aıqyndaıtyn arnaýly áleýmettik qyzmetter kórsetý standarttaryna sáıkes kórsetiledi.
«Qazaqstan Respýblıkasynyń keıbir zańnamalyq aktilerine áıelder quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» zańdy iske asyrý sheńberinde 2025 jyldan bastap elde arnaýly áleýmettik qyzmetter kórsetetin uıymdarǵa qoıylatyn talaptardy belgileıtin arnaýly áleýmettik qyzmetter kórsetý júıesin lısenzıalaý engiziledi.
Osyǵan baılanysty: ǵımarattarǵa, jıhazben, qural-saımandarmen jáne jumsaq jabdyqtarmen jaraqtandyrýǵa, sanıtarıalyq-epıdemıologıalyq jáne órtke qarsy normalardy saqtaýǵa, arnaýly áleýmettik qyzmetter kórsetetin uıymdardyń kadr quramyna qoıylatyn biliktilik talaptaryn qabyldaý qajet.
Osy biliktilik talaptary menshik nysanyna qaramastan lısenzıalaýǵa jatatyn memlekettik jáne jeke uıymdarǵa qoldanylatyn bolady.
Osylaısha, lısenzıalaý joǵaryda atalǵan qyzmetterdi kórsetý naryǵyna tek joǵary bilikti kadrlyq quramy, jaıly ǵımarattary (jaǵdaı) jáne jaqsy materıaldyq-tehnıkalyq jaraqtary bar uıymdardyń ǵana qol jetkizýin qamtamasyz etedi. Bul kórsetiletin qyzmetterdiń sapasyn arttyrýǵa jáne olardyń alýshylarynyń qaýipsizdigin qamtamasyz etýge múmkindik beredi.
Buıryq jobasyn qabyldaý teris áleýmettik-ekonomıkalyq jáne/nemese quqyqtyq saldarǵa ákep soqpaıdy. Ony iske asyrý memlekettik búdjet qarajatynan qosymsha qarjylyq shyǵyndardy talap etpeıdi.
Qujatpen «Ashyq NQA» portalynda tanysýǵa bolady: https://legalacts.egov.kz/npa/view?id=15089999