Astanada QR Eńbek jáne halyqty áleýmettik qorǵaý mınıstrliginiń (budan ári – EHÁQM) keńeıtilgen alqa otyrysy ótti. İs-shara barysynda vedomstvonyń 2024 jylǵy jumysynyń qorytyndysy shyǵarylyp, 2025 jylǵa arnalǵan josparlar belgilendi.
İs-sharaǵa QR Premer-Mınıstriniń orynbasary Ermek Kósherbaev, Parlament depýtattary, QR Eńbek jáne halyqty áleýmettik qorǵaý mınıstri Svetlana Jaqypova; QR Prezıdenti Ákimshiliginiń jáne Úkimet apparatynyń ókilderi, EHÁQ vıse-mınıstrleri, apparat basshysy, komıtet tóraǵalary, departament dırektorlary, EHÁQM baǵynysty uıymdarynyń basshylary, ortalyq memlekettik organdardyń ókilderi, oblystar men Astana, Almaty, Shymkent qalalarynyń ákimderiniń orynbasarlary, jumyspen qamtýdy úılestirý jáne áleýmettik baǵdarlamalar basqarmalarynyń basshylary men áleýmettik áriptester jáne ózge de jaýapty laýazymdy tulǵalar qatysty.
«2024 jyly EHÁQM barlyq nysanaly ındıkatorlarǵa qol jetkizdi, qazaqstandyqtar aldyndaǵy barlyq áleýmettik mindettemeler oryndaldy: 4 mln-nan astam alýshyǵa zeınetaqylar men járdemaqylar ýaqtyly ındeksteldi jáne tólendi; jumys izdep júrgen 900 myńnan astam adam jumysqa ornalastyryldy; 1400 kásiporynnan 17 myń jumyskerdiń áleýmettik kepildikteri qalpyna keltirildi; óndiristik jaraqattaný kórsetkishteri tómendedi; sheteldik jumyskerler úshin beriletin kvota 22 myńnan 15 myńǵa deıin qysqartyldy; 276 myńnan astam otbasy qıyn ómirlik jaǵdaıdan shyqty; arnaýly áleýmettik qyzmet kórsetetin uıymdardy lısenzıalaý engizildi», – dedi Svetlana Jaqypova.
Mınıstr óz sózinde Qazaqstanda tıimdi eńbek naryǵyn qalyptastyrý úshin iske asyrylyp jatqan sharalar, kóshi-qon saıasatyn iske asyrý, áleýmettik qamsyzdandyrý, saqtandyrý jáne qoldaý júıelerin odan ári damytý, múgedektigi bar adamdardyń ómir súrý sapasyn arttyrý, arnaýly áleýmettik qyzmetter kórsetý júıesin transformasıalaý jáne eńbek qatynastaryn retteý salasynda qabyldanyp jatqan sharalar týraly egjeı-tegjeıli aıtty.
Otyrysty qorytyndylaı kele, QR Premer-Mınıstriniń orynbasary Ermek Kósherbaev júrgizilip jatqan reformalardyń mańyzdylyǵyn atap ótip, áleýmettik-eńbek salasyn damytý boıynsha jumysty odan ári jetildirý boıynsha birqatar tapsyrmalar berdi.