Sońǵy kezde áleýmettik jelilerde osyndaı aqparat tarap jatyr.
QR Eńbekmıni syıaqy tóleý arqyly azamattarǵa eshqandaı saýalnama júrgizbeıtinin málimdedi, dep habarlaıdy Almaty-akshamy.kz mınıstrlikke silteme jasap.
QR Eńbek jáne halyqty áleýmettik qorǵaý mınıstrligi halyqqa onlaın saýalnama júrgizip, keıinnen 50 000 teńge mólsherinde syıaqy tóleıtini týraly messendjerler men áleýmettik jelilerde taratylyp jatqan aqparat shyndyqqa janaspaıdy.
Azamattarǵa alaıaqtar mundaı habarlamalardy jeke akkaýnttar men banktik shottarǵa qol jetkizý úshin qoldanýy múmkin ekenin eskertemiz. Eshqashan kúmándi siltemelerge ótpeńiz jáne alaıaqtyqtyń qurbany bolmas úshin jeke málimetterińizdi qaldyrmańyz.
Azamattardan jalǵan aqparatqa nazar aýdarmaýdy jáne aqparatty tek resmı kózderden ǵana alýdy suraımyz.
Jalǵan aqparatty taratý zań boıynsha jazalanatynyn eske salamyz.