Naýryz aıynda «Enbek» elektrondyq eńbek bırjasynda 80,2 myń bos jumys orny jáne 95,3 myń túıindeme ornalastyryldy.
Aqpan aıymen salystyrǵanda jumys berýshiler tarapynan belsendiliktiń tómendeýi baıqaldy – bos jumys oryndarynyń sany 34%-ǵa, sondaı-aq jumys izdeýshiler ornalastyrǵan túıindemeler sany 28% - ǵa azaıdy, dep habarlaıdy aqshamnews.kz eńbek jáne halyqty áleýmettik qorǵaý mınıstrligine silteme jasap.
EEB málimetteri boıynsha, 2025 jyldyń naýryz aıynda biliktilik deńgeıi boıynsha jumys kúshine suranys pen usynys arasyndaǵy teńgerimsizdik saqtalady: joǵary bilikti mamandar bos jumys oryndarynyń 37 paıyzyn qurasa, olar túıindemeniń 32 paıyzyn ǵana quraıdy. Sonymen birge biliktiligi joq jumysshylardyń eńbegine degen suranys 14% qurady, al olardyń usynysy barlyq túıindemelerdiń 28% - na jetti.
Óńirlik bóliniste aqpan aıymen salystyrǵanda ornalastyrylǵan bos oryndar sanynyń edáýir tómendeýi Shyǵys Qazaqstan oblysynda – 12,9 myńnan 4,5 myńǵa deıin (65% - ǵa tómendeý), Aqtóbe oblysynda – 3,8 myńnan 2,7 myńǵa deıin (-28%) jáne Atyraý oblysynda – 3,5 myńnan 3,1 myńǵa deıin (-12%) tirkeldi.
Jalpy tómendeýge qaramastan, Almaty oblysynda jumys berýshiler belsendilik deńgeıin burynǵy deńgeıde saqtap qaldy: naýryzda 3,4 myń (-6%), al aqpan aıynda 3,7 myń bos jumys orny ornalastyryldy.
Usynys tarapynan belsendiliktiń tómendeýi de baıqaldy. Bul rette túıindeme sanynyń eń kóp qysqarýy Almaty oblysynda – 10,2 myńnan 7 myńǵa deıin (-31%) baıqaldy. Sonymen qatar, Atyraý oblysynda túıindeme sany – 7,4 myńnan 5,8 myńǵa deıin (-22%) jáne Aqtóbe oblysynda – 6 myńnan 5 myńǵa deıin (-17%) tómendedi. Sonymen qatar, Aqmola jáne Shyǵys Qazaqstan oblystarynda tómendeý az baıqaldy (15% sheginde).
Naýryz aıynyń qorytyndysy boıynsha PR-menedjerler (3,9 myń bos jumys orny), medbıkeler/meıirgerler (1,7 myń bos jumys orny) jáne sanıtarlar (1,6 myń bos jumys orny) suranysqa ıe mamandyqtardyń qataryna endi. Sonymen qatar, avtobýs júrgizýshilerine (+302 bos jumys orny), saýdagerlerge (+253 bos jumys orny) jáne satýshy-keńesshilerge (+189 bos jumys orny) suranys artty.
Bos jumys oryndarynda eń joǵary jalaqy bas qurylysshylarǵa (orta eseppen 709 myń teńgeden bastap), uńǵymalardy jóndeý sheberlerine (700 myń teńgeden bastap) jáne burǵylaý ınjenerlerine (597 myń teńgeden bastap) usynyldy.
Eń kóp jalaqyny ónerkásiptik jabdyqtar boıynsha mehanık (orta eseppen 1,6 mln teńgeden bastap), IT salasyndaǵy ǵylymı qyzmetker (1,4 mln teńge) jáne ónimdi ázirleý jónindegi jobalar jetekshisi (1,3 mln teńge) laýazymdaryna úmitkerler surady.
Osylaısha, EEB málimetteri boıynsha, naýryz aıynda bos jumys oryndary men túıindemeler sanynyń azaıýy baıqaldy, bul rette suranys pen eńbek usynysy arasyndaǵy alshaqtyq artty.