Atalǵan shara bıyl besinshi ret ótkeli otyr.
Nur-Sultan qalasynda eńbek ozattarynyń respýblıkalyq forýmy ótedi, dep habarlaıdy Almaty-akshamy.kz
Bul týraly elordada ótken «Táýelsizdik jáne Qazaqstannyń agroónerkásip kesheniniń damýy» atty konferensıa barysynda belgili boldy.
«15 jeltoqsan kúni elordada eńbek ozattarynyń respýblıkalyq forýmy ótedi. Oǵan elimizdiń túkpir-túkpiriniń aýyl sharýashylyǵy salasynda eńbek etip jatqan mamandary men eńbek úzdikteri qatysady. Maqsat – el úshin, aýyl sharýashylyǵy salasynda ter tógip júrgen azamattardyń eńbegin baǵalaý, olarǵa qurmet kórsetý. Ol jerde eńbek ozattaryna Prezıdenttiń quttyqtaýynan bastap, memlekettik jáne mınıstrlik deńgeıindegi nagradaǵa deıin tabys etiledi. Biz qarapaıym sharýalardyń eńbegin dáriptep, olar týraly kóp aıtýymyz kerek», - dedi «Aýyl» partıasynyń tóraǵasy, QR Parlamenti Senaty depýtaty Álı Bektaev.