22 jastaǵy jigit Almatynyń tómengi bóligindegi jeke úılerdi tonaǵan
Alataý aýdandyq polısıa basqarmasynyń málimetinshe, Almatyda páter tonaýǵa qatysty kúdikti ustaldy, dep habarlaıdy Almaty-akshamy.kz Polisia.kz-ke silteme jasap.
«Almaty oblysynyń 22 jastaǵy týmasy bótenniń páterlerine kirip, shaǵyn tehnıkalar, zergerlik buıymdar men aqsha urlap ketken. Qaskóı úıge kóbinese kúndiz, úıdiń adamdary jumysta bolǵan kezde kirgen. Qazirgi ýaqytta ustalǵan azamattyń osyǵan uqsas tórt epızodqa qatystylyǵy anyqtaldy. Kúdikti kinásin moıyndady. Barlyq faktiler boıynsha qylmystyq ister qozǵaldy, olar QR QK-niń 188-babynda kózdelgen qylmys belgileri boıynsha bir óndiriske biriktirildi. Kúdiktiniń jeke basy qala aýmaǵynda jasalǵan osyǵan uqsas qylmystarǵa qatysy bar-joǵyna tekserilýde», – dedi Alataý aýdandyq polısıa basqarmasynyń bastyǵy İlıas Ómirserikov.