Áleýmettik jelilerde QR Eńbek jáne halyqty áleýmettik qorǵaý mınıstrligi ótemaqy tóleıtini týraly taratylyp jatqan aqparat shyndyqqa janaspaıdy.
Áleýmettik jelilerde qazaqstandyqtarǵa Eńbekmıni tarapynan ótemaqy tólenetini týraly jalǵan aqparat taratylýda. Taǵaıyndalǵan qarajatty aýdarý úshin belgisiz adamdar siltemege ótýdi usynady, dep habarlaıdy Almaty-akshamy.kz atalmysh mınıstrliktiń resmı saıtyna silteme jasap.
«Áleýmettik kómektiń mundaı túri joq ekenin habarlaımyz. Tıisinshe, habarlamada kórsetilgen silteme alaıaqtar úshin azamattardyń jeke derekterin alý tásili bolýy múmkin. Alaıaqtarmen ózara árekettesýdi boldyrmaý úshin siltemege ótpeýge keńes beremiz.
Memlekettik qoldaýdyń tıisti sharalary týraly resmı aqparat tek qana 1414 nómirinen SMS-habarlamalar arqyly taratylady.
Azamattardan tek resmı kózderdegi aqparatty paıdalanýyn suraımyz.
Jalǵan aqparat taratý zańmen jazalanatynyn esterińizge salamyz», - delingen mınıstrlik habarlamasynda.