Aqtóbe oblysynda er adamnan “sıntetıkanyń” 2 myńǵa jýyq bir rettik dozasy tárkilendi
Aqtóbe oblysynyń polısıasy sıntetıkalyq esirtkiniń 2 myńǵa jýyq bir rettik dozasyn satýdyń jolyn kesti, – dep habarlaıdy Polisia.kz.
Aqtóbe oblysy PD esirtki bıznesine qarsy is-qımyl basqarmasy qyzmetkerleri jedel-izdestirý is-sharalaryn ótkizý barysynda 35 jastaǵy aqtóbelikti ustady.
Tergeý is-qımyldaryn júrgizý barysynda ustalǵan adamnan untaq zaty bar 126 baılam tárkilendi. Ári qaraı, qyzmettik ıttiń kómegimen jaldamaly páterdi tintý barysynda polıseıler untaq zaty bar 10 zip-paket tárkiledi.
Saraptama qorytyndysyna sáıkes alynǵan zattar mefedron psıhotroptyq zaty bolyp shyqty, jalpy salmaǵy 275 gramnan asady. Bul 7 mln teńge somasyna 2 myńǵa jýyq bir rettik dozany quraıdy.
Esirtki quraldaryn, psıhotroptyq zattardy, olardyń analogtaryn asa iri mólsherde zańsyz saqtaý faktisi boıynsha sotqa deıingi tergep-tekserý bastaldy. Osy baptyń sanksıasy úsh jyldan jeti jylǵa deıingi merzimge bas bostandyǵynan aıyrý túrindegi jazany kózdeıdi.
Kúdikti ýaqytsha ustaý ızolátoryna qamaldy.