Elimizde elektromobılder sany aıtarlyqtaı artyp, 65%-dy qurady.
Deıturǵanmen bul kórsetkish óte az, sebebi olardyń sany 800-den sál asady. Iaǵnı, elektromobılder otandyq avtoturaqtardyń 0,02% quraıdy, dep habarlaıdy Almaty-akshamy.kz QazAqparatqa silteme jasap.
Bıyl jyl basynda Qazaqstanda aralas janar-jaǵarmaımen júretin 322,4 myń jeńil avtokólik boldy. Bul ótken jylmen salystyrǵanda 8,5% artyq. Mundaı avtomobılderdiń elimizdegi jalpy úlesi - 8,2%.
Kólik jasaýshylardyń aıtýynsha, gıbrıdti avtomobılderdiń aýany lastaý kórsetkishi joǵary.
Táýelsiz toptar júrgizgen synaq rastaǵandaı, gıbrıdti tıptegi kólikter zerthanalyq málimetterge qaraǵanda janar-jaǵarmaıdy kóbirek tutynady.
Aralas janar-jaǵarmaımen júretin jeńil kólikterdiń basym bóligi Mańǵystaý oblysynda tirkeldi. Atalǵan óńirde 74,3 myń avto bar. Bul ótken jylmen salystyrǵanda 3,6% artyq.
Ekinshi jáne úshinshi orynda Aqtóbe (35,8 myń, 6,4% artyq) jáne Túrkistan (23,1 myń, 27,7% artyq) oblysy ornalasqan.
Al mundaı kólikter boıynsha azshylyq Ulytaý (barlyǵy 229), Abaı (295) jáne Jetisý (409) oblystaryna tıesili. Jaǵdaı atalǵan oblystardyń jaqynda qalyptasýymen túsindiriledi.
Eń kóp elektromobıl Almaty qalasynda tirkelgen. Qazir qalada 420 avto bar, al ótken jyldyń basynda tek qana 43 avtokólik bolǵan. Ekinshi qatarda ornalasqan SQO-da 108 avtokólik bar. Kóshbasshylardyń úshtigin elorda jaýyp otyr. Onda bıyl 61 avtomobıl tirkelgen, bir jyl buryn 35 bolǵan.
Bureau of Transportation Statistics sońǵy málimetteri boıynsha, 2021 jyly álemde benzınmen jumys isteıtin 799 myń jańa gıbrıdti jeńil avtomobılder satyldy. Bul ótken jylmen salystyrǵanda 75,6% kóp.
Qosylatyn modýli bar gıbrıdti elektromobılderdiń 173,5 myń danasy satyldy. Jyldyq ósim - 2,5 ese.
Elektromobıl satylymy 459,4 myńǵa deıin artyp, aldyńǵy jylmen salystyrǵanda 92,6% ósti.
Heycar málimetteri boıynsha, ótken jyly elektromobılder satylymy 40% ósti. Árbir onynshy jańa kólik elektrli boldy.
Jańa Tesla Model Y 2021 jyly kóshbasshy bolǵan Tesla Model 3-ten keıin byltyr eń kóp satylatyn elektromobıl atandy. Jalpy alǵanda, ótken jyly álem boıynsha 1,6 mıllıon jańa kólik tirkeldi.
Kórsetkishti 2021 jylmen salystyrsaq, 2% az. Oǵan avtoónerkásip salasyna pandemıanyń tıgizgen teris áseri jáne jartylaı ótkizgish mıkrosqemanyń jahandyq jetispeýshiligi sebep bolǵan.