Járdemaqy mólsheri 8,5%-ke artty.
2023 jylǵy qańtar aıynda kóp balaly 532,6 myń otbasyna 33,1 mlrd teńge mólsherinde járdemaqy tólendi, dep habarlaıdy Almaty-akshamy.kz Eńbek jáne halyqty áleýmettik qorǵaý mınıstrligine silteme jasap.
Memlekettik járdemaqyǵa kámeletke tolmaǵan 4 jáne odan kóp birge turatyn nemese kúndizgi bólimde oqıtyn 23 jasqa deıingi stýdent balalary bar otbasylar úmitker bola alady.
Tólem mólsheri bala sanyna qaraı esepteledi:
4 balasy barlarǵa – 16,03 AEK nemese 55 304 teńge;
5 balaǵa – 20,04 AEK nemese 69 138 teńge;
6 balaǵa – 24,05 AEK nemese 82 973 teńge;
7 balaǵa – 28,06 AEK nemese 96 807 teńge;
8 jáne odan da kóp balasy bar otbasylarǵa – ár balaǵa 4 AEK nemese 13 800 teńge mólsherinde.
Eske salsaq, memlekettik járdemaqy 2020 jyly 1 qańtardan bastap ataýly áleýmettik kómek kórsetýdiń jańa tetikterinde kózdelgen tabysy az jáne kóp balaly otbasylardy qoldaýdyń úsh negizgi baǵyty aıasynda engizilgen bolatyn. Járdemaqy tóleý kezinde kóp balaly otbasylardyń tabysy eskerilmeıdi.
2023 jylǵy 1 qańtardan bastap balaly otbasylarǵa taǵaıyndalatyn memlekettik járdemaqylardyń mólsheri 8,5%-ǵa artty.