Osy jyldyń qarasha aıyndaǵy resmı reıtıńte jańa esim — Úndistannan kelgen Anısh Sarkar FIDE tizimine endi. Tórtke de tolmaǵan ol - 1 555 orynǵa turaqtady, dep habarlaıdy aqshamnews.kz.
Jas shahmatshy alǵashqy týrnırin úsh jarym jasqa tolmaı jatyp ótkizgen. Araǵa úsh aı salyp Batys Bengalıada ótken SXCCAA-2024 reıtıńtik rapıd-týrnırinde debút jasady. Onda 11 partıanyń 5-ýinde jeńiske jetken. Álemniń tórtinshi nomeri — grosmeıster Ardjýn Erıgaısımen bir mezgilde oıyn seansynda qatysý múmkindigine ıe boldy.
Bir aptadan keıin Anısh Sarkar 9 jasqa deıingi balalarǵa arnalǵan klasıkalyq baqylaýmen týrnırge qatysyp, 1551 jáne 1442 reıtıńi eki qarsylasyn jeńgen. 8 partıadan 5,5 upaı jınap, 140 qatysýshynyń arasynda 24-orynǵa ıe boldy.
Jaqynda 9 jasar Itan Peng FIDE reıtıńinde 2 300 pýnktten asqan eń jas shahmatshy bolyp, taǵy bir jas rekordyn jańartty. Bul jáne basqa da shahmattyq daryny týraly birneshe aı buryn Ilá Levıtov pen Aleksandr Shımanov bizdiń arnada baıandaǵan bolatyn.