Rahmon bıylǵy jyl sońǵy júz jyldyqtaǵy "eń aýyry" dep atady
Tájikstan prezıdenti Emomalı Rahmon halqyna eki jylǵa jetetin azyq-túlik qoryn jınap alýdy jáne memlekettiń táýelsizdigin qorǵaýǵa daıyn bolý kerektigin eske saldy, dep habarlaıdy Almaty-akshamy.kz Zakon.kz-ke silteme jasap.
Sputnik Tájikstannyń málimetinshe, Tájikstan prezıdenti qasıetti Ramazan aıynyń bastalýyna oraı quttyqtaý sóz sóıledi.
Ol óz úndeýinde azamattardy adal eńbek etip, únemdi bolýǵa shaqyryp, eki jylǵa jetetin azyq-túlik qoryn jınap alýdy eskertti. Rahmon bıylǵy jyl sońǵy júz jyldyqtaǵy "eń aýyry" dep atap, otandastaryna eldiń egemendigin qorǵaýǵa daıyn bolý kerektigin eske saldy.
«Adamzat búginderi sońǵy ǵasyrdan astam tarıhyndaǵy eń sezimtal jáne kúrdeli kezeńine kelip aıaq basty. Sarapshylardyń pikirinshe, daǵdarystyń osy óte sezimtal kezeńiniń saldaryn boljaý múmkin emes jáne ol uzaqmerzimdi sıpatqa ıe. Bıylǵy jyl adamzat úshin barlyq jaǵynan eń qıyny jáne eń aýyry bolady, aldymen azyq-túlik qaýipsizdigin qamtamasyz etý turǵysynan»,-dedi Tájikstan prezıdenti Emomalı Rahmon.
Tájikstan Prezıdenti kóktemniń ár kúnin qadirlep, egindi der kezinde seýip, "ár otbasynda eki jyldyq azyq-túlik qory bolý máselesin sheshý kerek" dep atap ótti. Qazirdiń ózinde el turǵyndary azyq-túlik tapshylyǵynan nemese baǵa ósiminen zardap shekpes úshin barlyq sharalardy qabyldaý qajet, ásirese aldaǵy kúzgi-qysqy kezeńderde, - dedi ol.
Adamzat búginderi sońǵy ǵasyrdan astam tarıhyndaǵy eń sezimtal jáne kúrdeli kezeńine kelip tireldi. Sarapshylardyń pikirinshe, daǵdarystyń osy óte sezimtal kezeńiniń saldaryn boljaý múmkin emes jáne ol uzaq merzimdi sıpatqa ıe. Bıylǵy jyl adamzat úshin barlyq jaǵynan eń qıyny jáne eń aýyry bolady, aldymen azyq-túlik qaýipsizdigin qamtamasyz etý turǵysynan.
«Árbir otbasy óz-ózin qamtamasyz etýi kerek, múmkindiginshe kóp ónim alyp, eki jylǵa jetetin azyq-túlik qoryn jınap alýdy oılastyrýy qajet»,-dedi Emomalı Rahmon.