Ulttyq ulannyń áskerı qyzmetshileri árqashan kómekke kelýge daıyn
Aqtóbe qalasynyń aýmaǵynda sý tasqyny jaǵdaıyn joıýǵa 6655 áskerı bóliminiń jedel maqsattaǵy batalónynan 60 áskerı qyzmetshi jumyldyryldy, dep habarlaıdy Almaty-akshamy.kz QR Ulttyq ulannyń baspasóz qyzmetine silteme jasap.
Sý tasqyny jaǵdaıyna baılanysty, Aqtóbe oblysy ákiminiń sheshimimen 31 naýryz kúni saǵat 20.00-den bastap Aqtóbe oblysy TJ departamentiniń aýmaǵynda jedel shtab quryldy.
Qutqarý jumystaryna Ulttyq ulan 6655 áskerı bóliminiń komandıri polkovnık Mıras Turdalın 60 áskerı qyzmetshiden turatyn jedel áskerı rezervtiń qutqarý jasaǵyn, sondaı-aq eki arnaıy qutqarý tehnıkasyn bóldi.
«Negizgi kúsh-jiger tótenshe jaǵdaı aýdanynda avarıalyq-qutqarý jumystaryn júrgizýge jumyldyrylǵan. Aýdannyń jergilikti atqarýshy organdarymen birlesip, turǵyndardy evakýasıalaý jáne avarıalyq-qutqarý jumystaryn júrgizý uıymdastyryldy. Halyqqa kómek qaýipsizdik sharalaryn tolyq saqtaı otyryp júrgizilýde», - deıdi 2 jedel maqsattaǵy batalóny 3 rotasynyń komandıri kapıtan N. Moldashev.
Ulttyq ulannyń áskerı qyzmetshileri árqashan kómekke kelýge daıyn. Ózderiniń fýnksıonaldyq mindetterine sáıkes, olar tabıǵı, tehnogendik jáne áleýmettik sıpattaǵy tótenshe jaǵdaılardyń saldaryn joıýǵa qatysady.
Tez jáne tıimdi áreket etý arqyly quqyqtyq tártip áskerleri is júzinde adamdarǵa kómektesýge daıyn ekendikterin dáleldedi. Buǵan Batys Qazaqstan, Qaraǵandy, Soltústik Qazaqstan jáne Túrkistan oblystarynyń turǵyndary maýsymdyq sý tasqyny kezinde, sondaı-aq Maqtaaral aýdanynyń turǵyndary 2020 jyly sý tasqynyn joıý kezinde kóz jetkizdi.
Sonymen qatar, ulandyqtar jyl saıyn qatty aıazda qalaaralyq joldarda qalǵandardy qar qursaýynan shyǵarady.