Adam quqyqtary jónindegi ýákil Elvıra Ázimova Bas prokýratýradan qańtardaǵy tártipsizdikterge qatysy bar degen kúdikpen kúzetpen ustalyp otyrǵan jaralylardy bultartpaý sharasyn jeńildetýdi surady, dep habarlaıdy Almaty-akshamy.kz QazAqparatqa silteme jasap.
«25 qańtarda is materıaldaryn tekserý nátıjeleri boıynsha prokýrorlardyń qaýlylary negizinde 11 azamat Almaty qalasynyń tergeý ızolátorynan bosatyldy. Bas prokýratýradan kúzetpen ustalyp otyrǵan azamattarǵa taǵylǵan aıyptardy, sonyń ishinde densaýlyq jaǵdaılaryn eskere otyryp, bultartpaý sharasyn alyp tastaýdyń nemese ózgertýdiń zańdylyǵy men múmkindigi bóliginde tekserý júrgizýdi jalǵastyrýdy suraımyz», - degen ýákil zqoldanystaǵy zańnamada onyń birneshe joly bar ekenin eske saldy.
«Zańnamada bas bostandyǵyn shekteý ornyna eshqaıda ketpeý týraly qolhat, úıqamaq jáne kepilgerlik sıaqty balamaly bultartpaý sharalary kózdelgen», - dedi Adam quqyqtary jónindegi ýákil.