Osy jyldyń 6 aıynda elorda turǵyndary 8 mlrd teńgeniń tegin dári-dármegimen qamtyldy, dep habarlaıdy Almaty-akshamy.kz QazAqparatqa silteme jasap.
«2023 jyldyń 30 maýsymyndaǵy jaǵdaı boıynsha Astana qalasynda 156 500 pasıent 508 262 reseptpen 8 mlrd 042 mln teńge somasyna tegin dári-dármekpen jáne medısınalyq buıymdarmen qamtamasyz etildi» - dep atap ótedi «Áleýmettik medısınalyq saqtandyrý qorynyń» elorda fılıaly.
Onyń ishinde tegin medısınalyq kepildendirilgen kómek kóleminde 7,5 mlrd teńge somasyna 476 623 tegin resept boıynsha 144 563 pasıent, MÁMS esebinen 406,6 mln teńge somasyna 22 768 tegin resept boıynsha 14 412 eresek pasıentter jáne 113,4 mln teńgege 6 484 bala 8871 tegin resept boıynsha dári-dármek aldy.
«Sarapshylarymyz medısınalyq qyzmettiń qoljetimdi bolýy jáne onyń sapasynyń jaqsarýy, ıaǵnı pasıent quqyǵy saqtalýy úshin turaqty jumys júrgizedi», – dep atap ótedi elorda fılıalynyń dırektory Erbol Bekmuhambetov.
Qor málimetinshe, emhana dárihanalarynda barlyq qajetti preparattar men dárilik zattar bar.