Jańa saıabaqqa birneshe qus uıasy ornatylmaq.
Qalalyq ákimdiktiń resmı saıtynyń málimetinshe, elordada bıyl jazda jańa baǵyttaǵy qoǵamdyq keńistik ashylady, dep habarlaıdy Almaty-akshamy.kz
«Qustar» saıabaǵy qalanyń tarıhı bóliginde – Jeltoqsan, Seıfýllın, Beıbitshilik jáne Omarov kósheleriniń aralyǵynda – №1 qalalyq emhananyń janynda ornalasady.
Qala turǵyndarynyń biraz bóligi kógershinderge jem berýdi unatatynyn eskere otyryp, jańa saıabaqqa birneshe qus uıasy ornatylmaq. Elordanyń ýrbanıstıka ortalyǵy jobalaý kezinde jalpyqalalyq demalys aımaǵyn ashý isine basymdyq berdi: qustarǵa jem shashýǵa arnalǵan oryndar, sol sıaqty kedergisi joq tynysh aımaq qurý.
Jańa keńistiktiń kireberis tustaryn gırlándalarmen bezendirý josparlanyp otyr. Alańnyń barlyq aýmaǵynda ár túrli maǵyna beretin shamdar ornatylady. Al trotýarlardyń boıyna túrli oryndyqtar qoıylady. Sondaı-aq, saıabaqtyń ortasyna gúlzary bar kóleńkeli shatyrdy ornalastyrý josparda bar. Qoǵamdyq keńistiktiń bos tustaryna aǵash otyrǵyzylady.