Nur-Sultan qalasynda qurylysy bastalyp, aıaqsyz qalǵan LRT baǵandaryn buzyp jatyr degen aqparat – jalǵan
Bul týraly City Transportation Systems kompanıasynyń resmı ókili málim etti, dep habarlaıdy Almaty-akshamy.kz QazAqparatqa silteme jasap.
«Búgin áleýmettik jelilerde «LRT konstrýksıalaryn buzyp jatyr» degen vıdeo keń tarap ketti. Osyǵan oraı taralǵan vıdeonyń ótken jyly túsirilgenin resmı túrde habarlaımyz. Atalǵan beınejazbada qytaılyq konsorsıým jaldaǵan tehnıkanyń jumysy beınelengen. Bul tehnıka qurylysqa qajet bórenelerge arnalǵan tehnologıalyq negizdi (alańdy) taldaý úshin jaldanǵan. Elordada LRT qurylysyn demontajdaý boıynsha eshqandaı jumys júrip jatqan joq», - dedi atalǵan kompanıanyń qoǵammen baılanys bóliminiń jetekshisi Naýat Azanbaeva.
Aıta ketsek, byltyr CTS kompanıasy LRT qurylysynyń alańynda qurylys-montajdaý jumystaryna daıyndyq bastalǵanyn habarlaǵan edi.
Eske salsaq, 2021 jyly mamyr aıynda atalǵan jobaǵa bólingen 6 mlrd teńgege jýyq qarjyny talan-tarajǵa saldy degen aıyp taǵylǵan birneshe azamat 7-10 jylǵa sottalǵan bolatyn.