Onyń ishinde 14 jasqa deıingi balalar sany úsheý.
Tamaqtan ýlaný belgileriniń ınkýbasıalyq kezeńi 30 mınýttan 24 saǵat aralyǵynda baıqalýy múmkin, dep habarlaıdy Almaty-akshamy.kz Sanıtarıalyq-epıdemıologıalyq baqylaý komıtetine silteme jasap.
Tamaqtan ýlaný – qozdyrǵyshtarmen jáne olardyń toksınderimen (90-95% jaǵdaıda) nemese mıkrobtyq emes sıpattaǵy ýly zattarmen lastanǵan taǵamdy tutuný nátıjesinde paıda bolatyn jedel aýrý. Basqasha aıtqanda, taǵamnan ýlaný mıkrobtyq nemese mıkrobtyq emes bolýy múmkin.
Osylaısha, jyl basynan beri elordada qoǵamdyq tamaqtaný obektileri boıynsha tamaqtan ýlaný jaǵdaılary tirkelgen. Nátıjesinde 72 adam zardap shekti, onyń ishinde 14 jasqa deıingi balalar sany úsheý. Sonymen qosa, aýa-raıynyń jylyný merzime sáıkes taǵamdy durys saqtamaý nátıjesinde turǵyndar arasynda biren-saran (bir rettik) úı jaǵdaıynda tamaqtan ýlaný jaǵdaılary jıi tirkelýde.
Aıta keteıik, tamaqtan ýlaný belgileriniń ınkýbasıalyq kezeńi 30 mınýttan 24 saǵat aralyǵynda baıqalýy múmkin. Degenmen, kóp jaǵdaılarda ýlaný belgileri 2-6 saǵat aralyǵynda aıqyn kórinip jatady. Naýqastyń boıynda júrek aıný, qusý, dıareıa (ish ótý), álsizdik, uıqy qashý, asqazan nemese ishek aýrýy, bas aýrýy, dene qyzýynyń kóterilýi sıaqty belgiler paıda bolady.
Jalpy syrqattanýdyń kezeńi adam aǵzasynyń jasyna jáne jalpy jaǵdaıyna, bakterıalardyń nemese toksınderdiń alýan túrine, qabyldanǵan tamaq mólsherine baılanysty. Eresekterge qaraǵanda kishkentaı balalarda aýrý aǵymy áldeqaıda aýyr túrde ótetinin atap ótý qajet.
Osyǵan baılanysty, elordanyń Sanıtarıalyq-epıdemıologıalyq baqylaý departamenti turǵyndardy ózin-ózi emdeýmen aınalyspaýǵa, emdeý kýrsyn taǵaıyndaý jáne yqtımal asqynýlardy boldyrmaý úshin dárigerge ýaqtyly júginýge shaqyrady.