Astanada qala kósheleriniń birinde jasóspirimder qoǵamdyq kóliktiń artyna minip alyp, qalany aralaǵan. Oqıǵa beınejazbaǵa túsip, áleýmettik jelide tarady,-dep habarlaıdy Aqshamnews.kz tilshisi.
Kriminal_kazakhstan Telegram arnasynda jarıalanǵan vıdeoda jastardyń №58 baǵyttaǵy avtobýstyń artqy bamperinen ustap, birneshe aıaldama boıy júrgeni anyq kórinedi. Oqıǵa elordanyń oń jaǵalaýyndaǵy aýdandardyń birinde bolǵan.
Astana qalalyq polısıa departamentiniń málimetinshe, Saryarqa aýdandyq polısıa basqarmasy jasóspirimderdiń jeke basyn anyqtap jatyr.
“Anyqtalǵan jaǵdaıda zań talaptaryna sáıkes sharalar qoldanylady”, – delingen polısıa taratqan resmı málimdemede.