Shara el Táýelsizdiginiń 30 jyldyǵyna jáne «G-Global» halyqaralyq jobasynyń 10 jyldyǵyna arnalǵan
Qarjy naryǵyn damytý, ekonomıka men saýdanyń turaqty túrde ósýiniń jańa joldary, sondaı-aq álemniń megapolısterindegi smart-júıeler men sıfrlyq múmkindikter. Bul – «G-Global – XXI ǵasyr álemi» II halyqaralyq kongresiniń delegattary talqylaıtyn basty taqyryptar. Spıkerlerdiń aıtýynsha, «aqyldy» qalanyń mysaly retinde el astanasy Nur-Sultan qalasyn aıtýǵa bolady. Búginde munda halyqaralyq sarapshylardyń joǵary baǵasyna ıe bolǵan «Sıfrlyq syńar» biregeı jobasy iske asyrylyp keledi.
«Qalanyń «sıfrlyq syńary» qazirgi ýaqytta 100% tolyq sıfrlandyrylǵan. «Elordadaǵy sıfrlyq syńar» degenimiz ne? Bul – birinshi kezekte búkil qalany 3D, 2D júıeleri arqyly sıfrlandyrý. Barlyq jer ýchaskesin, ınjenerlik jelini, jol qozǵalysy, qurylys, sáýlet jáne tabıǵatpen ózara qarym-qatynasty qamtıdy. Qazirgi tańda sıfrlyq syńarda 80-nen astam derektiń qabaty bar», - deıdi Nur-Sultan qalasynyń Sıfrlandyrý jáne memlekettik qyzmetter basqarmasynyń basshysy Botagóz Qasabek.