Infeksıonıst jalpy vaksınalaýǵa kez kelgen adamǵa ruqsat etilgenin aıtty
I.S. Jekenova atyndaǵy qalalyq klınıkalyq juqpaly aýrýlar aýrýhanasynyń ınfeksıonıst-dárigeri Tamara Ýtaganova Óńirlik komýnıkasıalar qyzmetiniń brıfıńinde koronavırýsqa qarsy vaksınalaý jáne revaksınalaýǵa qatysty mańyzdy suraqtarǵa jaýap berdi, dep habarlaıdy Almaty-akshamy.kz
Maman COVID-19 kóptegen aýyr asqynýlardy týdyratynyn, al vaksınasıa ózi men aınalasyndaǵylardyń ómirin saqtap qalýǵa múmkindik beretinin atap ótti. Barlyǵy vaksınalanǵan kezde, aýyryp qalý qaýpi áldeqaıda tómen. Ol sonymen qatar halyqty aýrýdan keıin paıda bolǵan antıdenelerge senbeýge shaqyrdy.
«Naýqastardyń damyǵan antıdeneleri deneni qorǵaý úshin jetkiliksiz. Barlyq aýyryp jazylǵan jáne egilmegen adamdarǵa vaksınalaý qajet. Muny aýrýdyń tómendeýi kezinde jasaǵan durys, óıtkeni qazirgi ýaqytta ınfeksıamen kezdesý qaýpi az. Bul - eń jaqsy kezeń», - dedi T.Ýtaganova.
Infeksıonıst jalpy vaksınalaýǵa kez kelgen adamǵa ruqsat etilgenin aıtty. Búginde sozylmaly jaǵdaı joq, bul vaksınalaý úshin tikeleı qarsy kórsetilim bolar edi.
«Sozylmaly aýrýlary bar adamdar vaksınalaýdan ótedi. Mundaı adamdarda dert qıyn bolady. Bul tek KVI-ge ǵana emes, tumaýǵa da qatysty. Sondyqtan men klınıkada ımmýnologpen keńeskennen keıin sozylmaly aýrýlary bar adamdarǵa vaksınalaný kerektigin usynamyn», - dep jalǵastyrdy maman.
Ol vaksınany engizgennen keıin adamdardyń kópshiliginde aýyr reaksıalar bolmaıtynyna nazar aýdardy. Eger temperatýra kóterilse de, bul qysqa merzimdi qubylys. Sarapshynyń aıtýynsha, bul múldem tabıǵı jáne vaksına áreket ete bastaǵandyqtan bolady. Basqa janama áserler bolǵan jaǵdaıda dárigerge habarlaý qajet.
T. Ýtaganova revaksınalaý paıdasyna qosymsha dálelder keltirdi.
«Vaksınasıa postkovıdti sındromnan qorǵaıdy. Revaksınalaý ımýndyq júıeni yntalandyrady. Bul jas jáne qart azamattarǵa qajet, sondyqtan dene vırýstyń ártúrli nusqalaryna daıyn bolady», - dedi dáriger.
Almaty qalasy qoǵamdyq densaýlyq basqarmasynyń málimetinshe, búginde birinshi komponentpen 1 057 833 turǵyn, ekinshi komponentpen 992 055 adam egildi. Pfizer (Comirnaty) preparatymen 22 411 adam ekpe aldy.