Búgin elordada «Ózgermeli álemdegi Azıa: Bolashaqtyń kún tártibi» taqyryby boıynsha Azıadaǵy qaýipsizdik jáne yntymaqtastyq forýmy bastaldy, dep habarlaıdy Almaty-akshamy.kz.
Shara barysynda sóz alǵan Syrtqy ister mınıstri Murat Nurtileý Azıadaǵy saıası jáne ekonomıkalyq máselelerdi talqylap, óz usynysyn bildirý úshin Astanaǵa jınalǵan sarapshylarǵa alǵys bildirdi, dep jazdy QazAqparat. Sonymen qatar vedomstvo basshysy forýmnyń qatysýshylaryna arnalǵan Memleket basshysy Qasym-Jomart Toqaevtyń hatyn oqyp berdi.
«Qurmetti forým qatysýshylary!
Men Sizderdi elordada ótip jatqan joǵary deńgeıdegi sharada qarsy alǵanyma qýanyshtymyn. Qazirgi kúrdeli jahandyq jaǵdaıda sarapshylar qaýymdastyǵymen tikeleı ári ashyq dıalog ornatý asa qajet bolyp otyr. Búgingi tańda álem buryn sondy bolmaǵan qıynshylyqtarǵa tap boldy. Biz jahandyq ekonomıka turaqsyzdyǵynyń, ósip kele jatqan geosaıası shıelenistiń kýási bolyp otyrmyz. Osy máseleler belgisizdik pen ózge de ıdeologıalyq saldarǵa alyp keledi. Degenmen keń aýqymdy daǵdarystar álemdik qaýymdastyq úshin, onyń ishinde Azıa úshin múmkindik usynady. Sondyqtan biz birlesken kúsh-jigerimizdi qaýipsiz, ádil álem qurýdaǵy syndarly ıdeıalar men tyń tásilderdi tabýǵa baǵyttaýymyz mańyzdy. Sondyqtan saıasattanýshylar, ekonomıser, jetekshi sarapshylar, beldi saraptamalyq ortalyqtar jáne ǵylymı-zertteý ıstıtýttary bul proseste sheshýshi rólge ıe», - delingen Murat Nurtileý oqyp bergen Prezıdenttiń hatynda.
Forýmǵa Azıa elderinen kelgen 60-tan astam sarapshy qatysyp jatyr.
Aıta keteıik, atalǵan shara QR Prezıdenti janyndaǵy Qazaqstannyń strategıalyq zertteýler ınstıtýty jáne Syrtqy ister mınıstrliginiń birlesip uıymdastyrýymen ótip jatyr.