26 jeltoqsan kúni Nur-Sultan qalasynda ortalyq saıabaq aýmaǵynda, amfıteatr ǵımaraty mańaıynda jańa jyl aldyndaǵy kezekti Aqshaqar men Aıaz atalar velosherýi ótedi, dep habarlaıdy Almaty-akshamy.kz QazAqparatqa silteme jasap.
Ol kúni 13:30-da barlyq qalaǵandar Aqshaqar men Aıaz ata kostúminde jańa jyl aldyndaǵy kezekti velosherýge qatysady. «Velo Lady Astana» qoǵamdyq birlestigi VeloTop Astana veloklýbymen birge, Qazaqstan velosıped sporty federasıasynyń qoldaýymen qala turǵyndary men elorda qonaqtaryn jańa jyl qarsańyndaǵy basty oqıǵaǵa shaqyrady. Onda túrli mamandyqtar men jas sanatyndaǵy júzdegen adam Aqshaqar men Aıaz atanyń kostúmin kıip, velosıped tebedi.
Velosherý aıasynda múmkindigi shekteýli jandarǵa arnalǵan trısıkldegi velojarys, jarys qatysýshylaryna arnalǵan fleshmob, balalarǵa arnalǵan oıyn-saýyq baǵdarlamasy ótedi.
Velosherýdiń negizgi maqsaty – múmkindigi shekteýli jandardy sportpen aınalysýǵa shaqyrý – qorshaǵan ortamen baılanysty qaıta ornatý, qoǵammen birigý úshin kerekti jaǵdaılar jasaý, qoǵamdyq paıdaly sharaǵa qatysyp, densaýlyqty qalpyna keltirý.