Búgin «Altyn sapa» nagradasy tabystalýda
Elordada Qazaqstan Respýblıkasy Prezıdentiniń kásipkerlerge sapa salasyndaǵy «Altyn sapa» nagradasy tabystalyp jatyr, dep habarlaıdy Almaty-akshamy.kz 24.kz-ke silteme jasap
15 jyl ishinde konkýrsty uıymdastyrýshylar 2,5 myńǵa jýyq ótinim qabyldady, 140-tan asa kásiporyn salasynda úzdik dep tanyldy. 2021 jyly 160 kásiporyn baıqaýǵa qatysýǵa ótinim berip, oqytý semınarynan ótti, dep habarlaıdy atameken.kz.
Syılyq «Óndiristik maqsattaǵy úzdik kásiporyn», «Halyqqa arnalǵan taýarlar shyǵaratyn úzdik kásiporyn», «Qyzmet kórsetetin úzdik kásiporyn» jáne «Azyq-túlik taýarlaryn jáne aýyl sharýashylyǵy ónimderin shyǵaratyn úzdik kásiporyn» degen 4 atalym boıynsha beriledi.
2006 jyly Elbasy Nursultan Nazarbaev sapa salasyndaǵy jetistikteri úshin alǵashqy syılyqtardy tapsyrdy, al «Altyn sapa» jyldyń basty oqıǵasy boldy.
Tórt jyl boıy syılyq «Óndiristik maqsattaǵy úzdik kásiporyn», «Halyqqa taýar shyǵaratyn úzdik kásiporyn» jáne «Qyzmet kórsetetin úzdik kásiporyn» degen 3 atalym boıynsha berildi. 2010 jyldan bastap Elbasy Nursultan Nazarbaev, endi el Prezıdenti Qasym-Jomart Toqaev ındýstrıalyq serpilis, ınovasıalyq serpilis sanattarynda «Altyn sapa» arnaıy syılyǵyn tabystaıdy.
Marapattaý rásimi barysynda «Uly dala eli», «İsker», «İskerlik kemeldik» baıqaýlarynyń marapattary jáne «Paryz» syılyǵy tabys etiledi.