Elorda máslıhatynyń depýtattary 7 mektepke qazaq zıalylarynyń esimin berý týraly sheshim qabyldap, respýblıkalyq onomastıkalyq komısıaǵa usynys joldady, dep habarlaıdy almaty-akshamy.kz QazAqparatqa silteme jasap.
Qalalyq máslıhattyń kezekten tys sesıasynda «Nur-Sultan qalasynyń keıbir bilim berý uıymdaryna ataý berý týraly máselesi daýysqa salyndy. Atalǵan másele boıynsha sheshim jobasyn máslıhat depýtattaryna qalalyq tilderdi damytý jáne arhıv isi basqarmasynyń basshysy Sáken Esirkepov tanystyrdy. Jobada elordadaǵy 7 bilim berý uıymyna qazaqtyń tanymal tulǵalarynyń esimin berý usynylǵan.
Olar: №11 mektep-lıseıge kórnekti memleket qaıratkeri, ǵalym, etnograf Ózbekáli Jánibekovtiń esimin berý;
№60 mektep-gımnazıaǵa arheolog, tarıh ǵylymdarynyń doktory, belgili akademık Kemel Aqyshevtiń esimin berý;
№2 balalar mýzyka mektebine kúmis kómeı ánshi, Qazaqstannyń halyq ártisi, Halyq qaharmany, keler jyly týǵanyna 100 jyl tolatyn Roza Baǵlanovanyń esimin berý;
№3 balalar mýzyka mektebine áıgili opera ánshisi, pedagog, profesor Ermek Serkebaevtyń esimin berý;
№66 mektep-lıseıge kórnekti memleket qaıratkeri, Qazaqstandy shırek ǵasyrǵa jýyq ýaqyt basqarǵan Dinmuhamed Qonaevtyń esimin berý;
№83 mektep-gımnazıaǵa qazaqtyń asa kórnekti aǵartýshy pedagogy, jazýshy, etnograf, fólklorshy Ybyraı Altynsarınniń esimin berý;
№77 mektep-gımnazıaǵa aqyn, halyq jazýshysy, jýrnalıs, Qazaqstannyń eńbek sińirgen qaıratkeri Farıza Ońǵarsynovanyń esimin berý.
«10 qarashada ótken Nur-Sultan qalasy onomastıka komıssásynyń kezekti otyrysynda elordamyzdaǵy birqatar bilim berý uıymdaryna ataý berý jónindegi usynystar talqylanyp, qoldaý tapqan bolatyn. Osyǵan oraı sizderdiń qaraýlaryńyzǵa «Nur-Sultan qalasynyń keıbir bilim berý uıymdaryna ataý berý týraly» qala ákimdiginiń qaýlysy jáne qalalyq máslıhattyń sheshim jobasy engizilip otyr. Kórsetilgen joba QR qoldanystaǵy zańnamasyna qaıshy kelmeıdi jáne normatıvtik-quqyqtyq aktilerge qoıylatyn talaptardy buzbaıdy. Usynys qoldaý tapqan jaǵdaıda ákimdik pen máslıhattyń birlesken qaýlysy men sheshimi QR zańnamasynda belgilengen tártip boıynsha QR Úkimeti janyndaǵy respýblıkalyq onomastıka komısıasynyń qaraýyna engiziledi», - dedi Sáken Esirkepov.
Máslıhat depýtattary sheshim jobasyn biraýyzdan maquldap daýys berdi. Bul usynysty respýblıkalyq onomastıka komısıasy maquldasa, tıisti Úkimet qaýlysy shyǵyp, elordadaǵy 7 mektep jańa ataýǵa ıe bolady.