Áýejaıdyń baspasóz qyzmeti osy jaǵdaıǵa qatysty túsinikteme berdi
Qazaqstandyqtar WhatsApp messendjerinde Nursultan Nazarbaev halyqaralyq áýejaıynyń saıtyna hakerlik shabýyl jasalyp, Qazaqstan arqyly tranzıtpen ushqan reseılik ushaqtarǵa «toqta» sıgnaly jiberilgeni týraly aqparat taratyp jatyr, dep habarlaıdy Almaty-akshamy.kz Stopfake aqparat resýrsyna sildteme jasap.
Áýejaıdyń baspasóz qyzmeti osy jaǵdaıǵa qatysty túsinikteme berdi.
«Nursultan Nazarbaev halyqaralyq áýejaıy búgin saǵat 12:20-da nn-airport.kz saıtyna birneshe ret suraý salý arqyly shabýyl jasalǵanyn habarlady. Shabýylǵa toıtarys berildi jáne saıttyń jumysy 13:20-da qalpyna keltirildi. Saıt eshqandaı habarlama jibermeıdi, mundaı qyzmeti joq», – deıdi elorda áýejaıynyń baspasóz hatshysy Ánýar Shalekenov.