Qazir kúdiktilerdiń basqa da urlyq áreketterine qatystylyǵy dáleldenip jatyr
Qazirgi ýaqytta jedel ýákilder «qylmystyq tórttiktiń» bótenniń múlkin urlaýdyń bes deregine qatystylyǵyn dáleldep otyr, dep habarlaıdy Almaty-akshamy.kz Almaty qalalyq Polısıa departamentiniń baspasóz qyzmetine silteme jasap.
Naýryzbaı aýdandyq polısıa Basqarmasynyń bastyǵy, polısıa polkovnıgi Dıdar Ahanov osy jyldyń naýryz aıynan bastap bólimshege moped urlyǵy týraly alǵashqy aryzdar túse bastaǵanyn aıtady. Ustalǵan kúdiktilerdiń jeke basy anyqtalǵan jáne qazir qamaýda otyr.
«Olardyń qylmystarynyń barlyǵy derlik beınekameraǵa túsip qalǵan. Kúdiktiler túngi ýaqytta kópqabatty úılerdiń aýlalarynda qaraýsyz qalǵan kólik quraldaryn «anyqtap», olardy urlaǵandaryn jáne jasyrǵandaryn túsindirdi. Keıin qaıta satqan. Osylaısha, qaskóıler eki mopedti satyp úlgerdi, taǵy úsheýi tárkilenip, aıǵaq retinde qylmystyq is materıaldaryna qosyldy. Ustalǵandar, Qazaqstannyń ártúrli oblystarynyń týmalary, 1997,1998,2000 jáne 2003 jyly týǵandar. Olardyń bireýi jas bola tura osyǵan uqsas qylmystar úshin sotty bolǵan,-dedi ol.
Qazir kúdiktilerdiń basqa da urlyq áreketterine qatystylyǵy dáleldenip jatyr. Odan ári jedel jáne tergeý sharalary júrgizilýde.